DILI, STLTIMORLESTE.com – Ministru Petroleu Rekursu Minerais (MPRM), Francisco da Costa Monteiro klarifika produsaun mina no gas iha Bayu Uudang laos foin maran, maibe dezde iha loron 4 Julhu 2025 nee hapara ona produsaun.
“Hau koalia uluk notisia Bayu Undang taka permanente atu klarifika deit katak Bayu Undang entermus produsaun laos loron rua ou tolu ba kotuk mak taka, hapara kedas ona iha loron 4 Junhu 2025,
tinan kotuk iha Konselhu Ministru hau relata tiha depois aprezenta ba media katak ami hetan notifikasaun husi Santos hanesan operador Bayu Undang ho parseiru sira iha loron 4 Junhu 2025 nian hapara ona produsaun katak dezde iha momentu neeba laiha produsaun,” hatete Ministru Petreoleo Reksuru Minerais (MPRM), Francisco da Costa Monteiro ba jornalista sira iha edifisiu MPRM Farol, Sesta nee (31/07/2026).
Nia haktuir, dezde momentu neeba hapara produsaun Bayu Undang hodi rendimentu osan atu tama ba Governu TL nian hapara kedas iha momentu neeba.
Tanba akontese iha loron haat ou lima ba kotuk katak Bayu Undang maran nee laos buat foun ida, ida nee asuntu mais tekniku ona katak depois para produsaun nee, Kompanhia Santos reprezenta hanesan operator ba Bayu Undang nian ho parseiru tenke halo programa tekniku detalhu konaba oinsa tenke husik plataforma nee no faze tuir mai desmatelamentu ekipamentus iha Bayu Undang nian kuandu aprovadu ona faze husi ANP neineik desmanetela.
Nia dehan, Governu hamutuk ho Santos ho parseiru balun koalia hela halo kontinuasaun produsaun Bayu Undang nian.
Katak kadoras ba Australia nian mak para iha loron 4 Junhu 2025, maibe agora iha diskusaun namanas hela ho parseiru seluk iha interese posibilidade kontinuasaun Bayu Undang nian, rezerva sira neebé sei Bayu Undang nian tau hamutuk ho Cudis nia para uza fasilidade Bayu Undang hodi produs no liu husi kadoras mai Natarbora hodi halo downstream, servisu nee la halo nee katak parte husi plaforma sei la desmantela hotu.
(joa)
