AMBENO, STLTIMORLESTE.com — Prezidente Autoridade Rejiaun Administrativa Espesiál Oecusse-Ambeno (PA-RAEOA), Regio da Cruz Salu, hamutuk ho estrutura Autoridade RAEOA, presta omenajen ikus ba veteranu konhesidu Oecusse, João Tabes Oki, iha ninia rezidénsia iha Oesono, Suku Costa, Postu Administrativu Pante Macassar, RAEOA, Sesta (09/10/2026).
Omenajen ne’e hala’o nu’udar sinal rekoñesimentu ba veteranu ne’e, ne’ebé komunidade Oecusse konhese liuhosi ninia naran luta. Prezensa PA-RAEOA no estrutura institusionál iha rezidénsia família nian hatudu atensaun ba família enlutada iha tempu difísil ne’e.
Veteranu João Tabes Oki nia mate husik hela lembransa ba família no komunidade ne’ebé koñese ninia trajetória. Omenajen ne’e mós sai oportunidade atu hato’o solidariedade ba família no fó respeitu ba veteranu ne’ebé hakotu ona ninia moris.
(jos)
