DILI, STLTIMORLESTE.com – Papel feto importante tebes iha konstrusaun estadu, tanba nee Governu presiza tulun mos feto neebe inklina aan iha setor privadu, nunee dudu ekonomia ba oin.
Lia hirak nee hatoo husi Prezidente Republika Jose Ramos Horta ba jornalista sira iha Palasiu Prezidensial Nicolau Lobato, Bairo Pite, Sesta (14/08/2026) hatete, papel feto importante iha dezenvolvimentu nasional (DN) no konstrusaun estadu, tanba nee Prezidente husu Governu tulun mos feto neebe inklina aan iha setor privadu sira.
“Papel feto importante, ita hotu hatene importante tebes papel feto sira nia, hau sempre partisipa iha eventu organizasaun feto iha bisnis tinan-tinan ho banku mundial partisipa intensiva, maibe lo-loos para apoiu didiak governu tenke tuur ho setor privadu rona sira, Primeiru Ministru halo ona iha Merkadu Lama iha fulan ruma liu ba rona tiha ona balun maibe haree didiak oinsa mak bele apoiu,” dehan PR Horta.
Atu apoiu Prezidente iha idea konkretu labele halo diskursu beibeik konaba jender igualdade apoiu feto iha bisnis, maibe laiha atividade neebe governu halo.
Entaun saida mak podia halo, primeiru problema boot iha rai laran dividas, dividas setor privadu ho banku sira, divida setor privadu ema balun neebe privadu ba banku, banku laiha impresta osan entaun sira husu impresta partikular, ida nee iha neeba barak sai vitima ba ida nee,” katak PR Horta.
PR Horta hatete, sai vitima tanba laiha mekanizmu bankariu para ajuda lo-loos, iha Timor realidade banku labele karega 10%, 11% ka 12%, BNCTL dala ruma tun too 6 ka 5% maibe dala ruma deit.
Entaun ida nee, ba PR Horta mak Governu tenke haree didiak para kansela tiha dividas neebe setor privadu no setor privadu neebe ita haree setor privadu duni, sira neebe sosa ekipamentu, sira neebe sosa trator, sosa makina depois osan laiha divida iha, setor agrikultura tenke haree ida nee perdaun divida tanba sa? TL impaktu husi Covid-19 impkatu husi guera ukrania, funu iha Iraun presu konbustivel sae maibe la halo buat ida para tulun setor privadu ke sai vitima ba krime mundial.
Xefe Estadu dala barak koalia beibeik konaba igualdade Jeneru, no apoiu feto nia involvimentu iha dezenvolvimentu no konstrusaun estadu maibe la apoiu ba sira nia atividade ida nee mos sai impkatu boot ba feto sira nomos setor privadu sira.
(eme)
