DILI, STLTIMORLESTE.com — Provedor Diretu Umanu no Justisa (PDHJ), Virgilio da Silva Guterres lamenta ho sidadaun balu neebe hatais batina hanesan Amu sira nian hodi halao atividade relijioza.
Nia dehan, halo separasaun entre Estadu no Relijoza sira, Estadu Konstituisaun garante ema ida ka sei deit atu halao sira nia nia fiar atu ezerse sira nia atividade relijoza iha neebe deit, tanba nee lamenta oituan ho indentifikasaun neebe halo.
“Lamenta oituan, tanba iha identifikasaun ba ema sira nee la iha baze dehan katak sira halo krimi ruma,” dehan PDHJ, Virgilio ba jornalista sira iha Timor Plaza, Segunda (02/12/2024).
Nia hatutan, se mak tenke koalia barak liu kona-ba ida nee, Konferensa Episkopal Timorense nee mak tenke koalia barak liu, tanba relijiaun sira nee utiliza atributu Igreja Katolika nian.
Estadu la tama ba iha neeba, tanba laos estadu nia kestaun, koalia kona-ba iha liberdade atu hamosu relijiaun atu halao atividade relijioza nian, kona-ba utilizasaun atributu uma Kreda mak tenke halo protesta kona-ba atributu neebe sira utiliza, Estadu buat nebee tenke halo mak garante katak ema se deit livre atu ezerse nia atividade relijioza.
Iha fatin ketak, Akademiku UNTL, Rafael de Jesus dehan, Timor maioria relijiaun Katolika, no haree batina neebe hatais ba Amu sira deit banhira selebra misa.
Tanba foin lalais iha ema balu hatais batina neebe suku hanesan ho Amu sira nian, halo preokupasaun barak mosu iha sosiedade sira. Tanba nee fiar katak, ba oin Igreja sei foti medidas balu atu ba oin labele halo tan aktu sira hanesan nee.
Tuir informasaun neebe iha, antes nee Polisia bolu sidadaun sira nee no halo ona indentifikasaun ba sidadaun sira neebe utiliza batina mean viral iha media sosial.
(ter)
