DILI, STLTIMORLESTE.com – Xefe Suku Builai tau iha ona planu sei harii merkadu neebe dignu ba komunidade sira hodi fasilita sira halao atividade negosiu.
Lia hirak nee hatoo husi Xefe Suku Builai, Postu Administrativu Baukau Vila, Munisipiu Baukau, Juvinal Feliciano da Costa ba STL husi via tefone iha Builai, Segunda nee (22/06/2026).
Tanba sa kria merkadu, tanba durante nee komunidade sira faan produtu iha deit iha rai, tau iha lona ou karon leten hodi faan produtu neebe sira produs.
Tanba merkadu nee importante tebes, nia mak sentru fo dalan ba ema hotu halo tranzasaun.
“Ita presiza duni kria merkadu dignu ba komunidade sira, atu nunee fasilita hodi halao atividade negosiu,” hatete Xefi Suku Builai.
Tanba merkadu fatin haburas ekonomia, basa fatin agrikultura no komersiante sira hasoru malu no hetan rendimentu.
Bazar nee halao iha loron Tersa no Sesta, komunidade mai husi Suku Gariwai, Wailili, Buibau, Samalari no Builai mak faan produtu lokal hanesan talas, feuk, hudi, aidila, aifarina, modo tahan, tomate, inklui produtu sira seluk, aleinde nee mos iha tempu udan sei afeita ba sira hodi faan sira nian sasan.
Komunidade faan sira nian produtu tau deit iha lona okos no nahe karon iha rai, hafoin tau produtu iha leten hodi faan, oinsa ho hanoin no planu ida kria merkadu atu Komunidade tau produtu hodi faan, tanba tempu udan afeita ba sira hodi halao atividade nee.
Nuudar Autoridade Lokal haree kondisaun merkadu tau iha planu maibe superior sira aprova ka lae, sira sei tun terenu hodi observa fali merkadu refere.
(joa)
