DILI, STLTIMORLESTE.com – Primeiru Ministru (PM), Malazia Anwar Ibrahim manifesta sentidu solidariedade ba povu Timor Leste (TL) neebe partida eis Prezidente Republika Francisco Guterres “Lu-Olo”.
PM Malazia Anwar manifesta sentidu solidariedade nee wainhira simu informasaun katak eis Prezidenti Republika TL, Francisco Guterres “Lu-Olo” termina ona ninia peregrinasaun hafoin halo tratamentu intensivu iha Hospital Prince Court, iha Kuala Lumpur, Malazia.
“Hau triste tebes ho falesimentu Prezidente anterior Timor Leste nian, Francisco Guterres, hau hatoo hau nia kondolensia klean ba nia familia no ba povu Timor-Leste,” haktuir nota komunikadu neebe STL aasesu husi pajina facebook ofisial privadu husi PM Malazia, Segunda (22/06/2026).
Malazia Anwar afirma katak, Lu-Olo mak jerasaun ida neebe luta no konsege hetan independensia ba Timor Leste.
Nia pasa tempu tinan barak iha rezistensia, iha neebe nia konhesidu ho naran Lu-Olo, no depois serve nia nasaun hanesan Prezidente Parlamentu Nasional no mos hanesan Xefe Estadu.
Durante tempu tomak nee, nia nafatin dedika aan ba liberdade nia povu nian no ba konstrusaun nasaun demokratika ida.
“Malazia partisipa iha laran triste nee hamutuk ho povu timoroan sira. Nia sei lembra nafatin iha ne’e ho respeitu no hakmatek,” hakotu.
(alb)
