PORTUGAL, STLTIMORLESTE.com – Primeiru Ministru (PM) Kay Rala Xanana Gusmão halao enkontru ho sidadaun Timoroan estuda no hela iha Portugal, hodi enkoraza atu kaer metin prinsípiu nuudar Timoroan.
Xefi Governu husu Timoroan sira atu kontinua promove Timor iha mundu, tanba nuudar Timoroan iha responsabilidade atu servi nasaun no povu ho kualkér servisu neebé sidadaun ida halo.
“Durante luta libertasaun Timoroan kuaze 250.000 mak mate. Tanba nee, hakarak husu imi sira hela iha Portugal, ho kapasidade imi nian atu kontribui bá nasaun, imi neebé daudaun estuda iha Portugal favor fila-fali bá ita nia rain hodi ita hamutuk dezenvolve ita nia nasaun,” hatete PM Xanana iha sede UCCLA, Portugal, Domingu (13/10/2024), liu husi komunikadu neebe STL asesu iha Tersa nee (15/10/2024).
Biban ne’e, Timoroan sira rekomenda mós bá IX Governu Konstitusionál tau prioridade bá área importante sira liu-liu saúde no edukasaun, tanba área rua nee mak liga direta ho povu nia moris.
Enkontru nee Primeiru Asuntu Ekonómiku no Ministru Turizmu no Ambiente, Francisco Kalbuadi Lay, Ministru Negósiu Estranjeiru no Kooperasaun, Bendito dos Santos Freitas, Ministru Jjustisa, Sérgio de Jesus Fernandes da Costa Hornai, Ministra Edukasaun, Dulce de Jesus Soares, Ministru Ensinu Superiór Siénsia no Kultura, José Honório da Costa Pereira Jerónimo, Ministru Interiór, Francisco da Costa Guterres, Sekretáriu Estadu Komunikasaun Sosiál, Expedito Dias Ximenes, Prezidente Câmara Comércio no Indústria Timor Leste (CCI-TL), Jorge Serrano, Embaixadora Timor-Leste iha Portugal, Isabel Guterres, Sekretáriu Jerál Uniaun Sidade Kapital Lian Portugés (UCCLA, sigla portugés), Vitor Manuel Sampaio Caetano Ramalho no Xefe Gabinete PM, Elizabeth Exposto.
(gui)
