DILI, STLTIMORLESTE.com – Primeiru Ministru (PM), Kay Rala Xanana Gusmão substitui Ministru Defeza (MD), lidera enkotru bilateral ho MD Nasionál Repúblika Povu Xina, Dong Jun, konaba area Seguransa no Defeza iha nasaun Timor Leste (TL).
Vise Xefe Estadu Maior Jenerál FALINTIL-Forsa Defeza Timor Leste (F-FDTL), Major Jenerál Calisto Santos “Coliati” hatete, enkotru bilateral entre Ministru Defeza Nasionál Repúblika Povu Xina ho Ministeriu Defeza Interinu Kay Rala Xanana Gusmão.
“Ohin nee enkotru bilateral entrega Ministru Defeza Xina ho Ministru Defeza Timor Leste ninia, maibe tanba ita nia Ministru Defeza Kontra Almirante Donaciano do Rosário da Costa Gomes “Pedro Klamar Fuik” kestaun saude neebe agora nia halo tratamentu, neebe ohin ita nia aman Kay Rala Xanana Gusmão mak Ministru Defeza Interinu hodi hasoru malu ho nia omologu husi Xina,” hatete Vise Xefe Estadu Maior Jenerál FALINTIL-Forsa Defeza Timor Leste (F-FDTL), Major Jenerál Calisto Santos “Coliati” ba jornalista sira iha Kuartel Jeneral F-FDTL Fatuhada, Dili, Kuarta (19/08/2026).
Nia dehan, asuntu neebe ohin koalia iha enkontru nee konaba Segurasa no Defeza nian, area Akademi Militár nian, nomos Saude Militár, area Lijistika, nomos buat neebe durante nee seidauk halao.
Nia deklara, asina akordu nee liu-liu kooperasaun Ministeriu Defeza Timor Leste entre Ministeriu Defeza Xina, koalia konaba area Lojistika nomos area edukasaun, apoiu ba Rekurusu Umanu, liu-liu hospital militar neebe tinan oin Governu Xina sei harii.
Entretantu Ministru Defeza Nasionál Repúblika Povu Xina, Dong Jun ho nia delegasaun nain 20 halao kortejia mai Ministeriu Defeza neebe simu ho parada militar no kontinua simu husi Primeiru Ministru (PM), Ministru Defeza Interinu Kay Rala Xanana Gusmão hamutuk Vise Xefe Estadu Maior Jenerál FALINTIL – Forsa Defeza Timor Leste (F-FDTL), Major Jenerál Calisto Santos “Coliati” nomos Ministru Interior (MI) Fransisco da Costa Guterres inklui funsionariu Ministeriu Defeza (MD), enkotru kuaze oras ida ho balun nee koalia konaba bilateral entre Governu Xina ho Timor Leste.
(jen)
