DILI, STLTIMORLESTE.com – Polisia Nasional Timor Leste (PNTL) blokeiu temporariu iha Diresaun Mandarin Díli, tanba adeptus futeból rihun halibur aan asiste hamutuk Copa Mundiál tinan 2026 entre Portugál no RD Kongo.
Observasaun adeptus sira halibur aan antes jogu hahu, lori bandeira Portugál no adeptus kamizola selesaun no ekipamentu apoiu seluk, neebe halo atmosfera iha kapital Díli sai animadu no movimentadu ba mai hodi hakilar Portu, Portu.
Entretantu atu evita engarrafamentu, Polisia Tranzitu fo segurasa masimu iha area refere hodi fo segurasa masimu ba adepetus sira neebe halibur hamutuk hodi asiste jogu refere.
Asegura asidente no perturbasaun ba ordem públika, PNTL implementa medida espesial ho blokeiu dalan balun iha area Mandarin no organiza movimentu viaturas no ema sira durante eventu nee.
Iha fatin hanesan, Aderito da Silva Adeptus Portugal informa, tuir lo-loos nee Governu tenke dada layar iha fatin hotu-hotu atu nuneee adepetus sira bele asiste ka nonton Jogu Copa Mundiál tinan 2026.
“Ita Senti triste tebes tanba layar nee dada iha fatin ida deit, jogu Copa Mundiál tinan 2026 la hanesan tinan uluk, no agora ita asesu layar ida iha fatin ida deit, ita la puas hodi asiste bola nee,” nia koalia.
Nia informa, PNTL sira husu ba komunidade atu kolabora ho polísia, respeita sinalizasaun trânsito no evita halo asaun neebe bele estraga ambiente festa neebe diak.
“Ami sempre kolabora ho ita nia segurasa tanba ita hatene jogu entre Portugál no RD Kongo mak jogo dahuluk ba Portugál iha Grupu Copa Mundiál 2026, neebe mos kompostu husi Kolómbia no Uzbequistão,” nia esplika.
Entretantu Membru PNTL neebe la temi naran deklara, PNTL ninia prioridade prinsipal mak garante seguransa ba sidadaun hotu-hotu atu bele akompanha jogu nee ho hakmatek no ordenadu.
“Ita fo segurasa masimu ba ita nia komunidade sira, atu nunee jogu ida nee labele iha krime no asegura asidente,” nia afirma.
(jen)
