LIQUIÇA, STLTIMORLESTE.com – Polísia Nasional Timor Leste (PNTL) hamutuk ho Ekipa Explosive Ordnance Disposal (EOD) husi Unidade Espesial Polísia (UEP) sira halao destroisaun ba material funu neebe komunidade hetan iha Suku Guiço, Postu Administrativu Loes, Munisípiu Liquiça.
Entretantu Komunikadu neebe STL asesu husi media PNTL iha loron Kinta nee (23/07/2026, PNTL ho Ekipa Explosive Ordnance Disposal (EOD) husi Unidade Espesial Polísia (UEP) ho material funu neebe destroi kompostu husi projetíl artilharia ida no granada Mills ida, neebe deskobre husi komunidade no relata ba autoridade kompetente atu halo tratamentu tuir prosedimentu seguransa.
Depois atividade destroisaun nee halao husi ekipa EOD tuir prosedimentu tékniku no padraun seguransa neebe aplika iha area neebe seguru, atu prevene risku ba komunidade no patrimoniu públiku.
PNTL kontinua apela ba komunidade atu lalika kaer, muda, ka tenta destroi material funu ka objetu sira neebe deskobre, bainhira hetan material hanesan nee, komunidade tenke informa kedas ba autoridade PNTL atu ekipa espesial bele responde ho lalais no garante seguransa publika.
(jen)
