DILI, STLTIMORLESTE.com – Portavos Komando Jeral Polisia Nasional Timor Leste (PNTL), Superitendente Xefe João Belo Dos Reis hatete, Polísia Nasionál Timor Leste (PNTL) rejista Timoroan hamutuk atus rua resin sai vitima ba atividade online SnapBoost, neebe hanesan eskema bosok iha forma “game investment” neebe obriga kliente halo depózitu osan maibe la fo retornu.
“Ita hatoo ba publiku katak, Diresaun Servisun Investigasaun Kriminal monitoriza hela atividade sira nee, depois mai mos simu ona keixa husi vitima nain rua neebe sente onfendidu ba kazu nee, agora ita buka hela maluk sira seluk neebe sente ofendidu lakon sira nia osan ba asaun ida nee,”.hatete Portavos Komando Jeral Polisia Nasional Timor Leste (PNTL), Superitendente Xefe João Belo Dos Reis ba jornalista sira iha edifisiu Komandu Jeral PNTL Kaikoli, Tersa-feira (14/04/2026).
João Belo apela ba publiku liu-liu inan aman sira hotu iha munisipiu no postu no suku, aldeia sira katak labele fiar arbiru publiksaun ka informasaun husi ema ruma relasiona ho investimentu osan ne’ebe laiha baze legal.
Nia promete Polisia Nasional Timor Leste (PNTL) liu husi Diresaun Servisu Investigasaun Kriminal (DSIK) sei halo esforsu hodi buka autor sira neebe utilija esquema Snap Boost hodi bosok ema.
Nia informa, sei kontaktu ho Banku Sentral Timor Leste, tanba sira mak regulariza atividade negosiu relasaun ho banku ninian, depois Polisia Nasional Timor Leste sei buka referensia ba nasaun seluk neebe uza metode hanesan para bele justifika prosesu investigasaun ba eskema ida nee para bele hetan autor sira.
Nia koalia, seidauk nee Polisia Diresaun Servisu Investigasaun Kriminal hetan ona lista ba vitima sira hamutuk atus rua resin neebe ema lohi sira hodi hatama osan husi dolar rua nulu too atus rua husi Rekening no balun hatama dereita ba ema balun para atu halo investimentu.
(jen)
