BAUKAU, STLTIMORLESTE.com – Presu kombustivel husi Postu Abastesimentu sira iha Baukau Vila balu ezekuta ordem Governu no seluk uza mekanizmu presu merkadu.
Husi observasaun STL nian, loron 17 Abril parte dader nee ba Postu Abastesimentu sira iha Baukau Vila hamutuk 8, iha neebe Postu Abastesimentu Nagardjo fuel produtu kombustivel Gazolina no Gazoel atual estock mamuk.
Enkuantu iha Postu Abastesimentu Pertamina Internasional Timor neebe lokaliza iha Suku Bahu, atual aplika presu tuir presu Governu, ba produtu kombustivel Gazolina kada litru US$ 1.50 no Gazoel kada litru US$ 1.60.
Maibe iha Postu Abastesimentu seluk aplika presu merkadu, mak hanesan iha Postu Abastesimentu Fecilia fuel produtu kombustivel Gazolina kada litru US$ 1.45 no Gazoel kada US$ 1.58, Central Hill fuel presu kombustivel Gazolina kada US$ 1.49 no Gazoel kada US$ 1.64.
Seluk mak hanesan iha Postu Abastesimentu Realistic fuel Gazolina kada litru aplika presu US$. 1.49 no Gazoel US$ 1.64. Ra’ameta fuel aplika presu Gazolina kada litru US$ 1.40 no Gazeol kada litru US$ 1.53.
Nunee mos iha Belijo fuel aplika presu Gazolina kada litru US$ 1.40 no Gazeol US$ 1.64, enkuantu Postu Abastesimentu Manudare Fuel aplika presu ba produtu Gazolina kada litru US$ 1.43 no Gazeol US$ 1.57.
(tom)
