DILI, STLTIMORLESTE.com – Prezidente Parlamentu Nasional (PPN), Maria Fernanda Lay hateten, ho selebrasaun loron Idul Adha 1446 Hijriyah, Timoroan sira bele hametin liu tan toleransia entre relijiaun iha Timor Leste.
“Ho atividade sira nee ita respeita malu, ita valoriza valor neebe iha, hanesan Katoliku halao tuir hanesan Katoliku nian no Musulmanu halao tuir Musulmanu nian,” hatete Prezidente Parlamentu Nasional (PPN), Maria Fernanda Lay ba jornalista sira iha Otel JLWorld, Metiaut, Kinta nee (05/06/2025).
Prezidente Parlamentu Nasional apresia toleransia entre relijiaun, tanba Timor Leste restaura independensia ba dala-23 ona maibe seidauk iha problema entre relijiaun sira.
“Durante nee hau rejista ita la iha problema diskriminasaun ida nee, hau espera katak ba oin ita nafatin respeita malu, individu ida ho ema seluk nia direitu hanesan,” tenik nia.
(alb)
