DILI, STLTIMORLESTE.com – Prezidente Republika (PR) fo pose ba Embaixador nain 2 hanesan Embaixador Timor Leste (TL) ba Reuni Tailandia, Francisco Tilman Cepeda no Embaixador TL ba Estadu Emiratos Árabes Unidos (UEA), Rui Manuel Hanjam.
Bainhira remata simu pose, Embaixador TL ba Reuni Tailandia, Francisco Tilman Cepeda ba jornalista sira iha Palasiu Prezidensial Bairo Pite, Tersa nee (15/10/2024) hatete, ida nee hanesan responsabilidade, fo nee hanesan kostume ona, embaixador ida hotu nia misaun ema seluk ba troka fali, nunee labele husik TL misaun sira mamuk.
Embaixador nee mos hatoo agradese ba Prezidente Republika no IX Governu Konstitusional neebe mak fo ona konfiansa ba nia, hodi asumi kargu nuudar Embaixador TL ba Tailandia.
“Hau ba Tailandia, embaixador sesante remata ona nia misaun, nia fila fali mai Timor, tanba nee hau ba atu retoma fila fali servisu hanesan xefe misaun iha Tailandia. Hau mos agradese ba konfiansa Prezidente Republika fo mai hau, Primeiru Ministru fo mai hau, nunee mos Ministru Negosiu Estranjeiru no Kooperasaun sai hanesan Embaixador ba Reuni Tailandia,” katak nia.
Iha fatin hanesan, Embaixador TL ba Estadu Emiratos Árabes Unidos (UEA), Rui Manuel Hanjam hatoo agradese ba Prezidente Republika Jose Ramos Horta ho IX Governu Konstitusional neebe mak fo ona konfiansa ba nia hodi asumi kargu nuudar Embaixador TL ba Emiratos Árabes Unidos.
“Hau hanesan nomeiasaun primeira vez sai Embaixador ba Emiratos Árabes Unidos ninian, hau hanoin nee hanesan Embaixada foun iha prioridade neebe ita presiza haree, mais emprimeiru lugar hau mos hakarak agradese ba Prezidente Republika neebe fo konfiansa mai hau mos ba Primeiru Ministru nomos Ministeriu Negósiu Estranjeiru no Kooperasaun ho mos entidade hotu-hotu atu hau bele sai hanesan Embaixador iha fatin Emiratos Árabes Unidos,” katak Embaixador.
Nunee mos tuir Decreto PR 106/2024, Ezonera Embaicador, Juvêncio de Jesus Matins husi kargu Embaixador Reinu Tailândia no decreto PR 107/2024, Nomeia, Emb. Francisco Tilman Cepeda, ba kargu Embaixador Reinu Tailândia. No Assina husi PR iha PPR iha loron 15 Outubru 2024.
Decreto PR numeru 105/2024 nomeia Rui Manuel Hanjam, ba kargu embaixador Estado Emiratos Árabes Unidos (UEA). Assina husi PR iha PPR iha loron 14 Outubru 2024.
(eme)
