DILI, STLTIMORLESTE.com – Prezidente Republika (PR), Jose Ramos Horta halo enkontru ho Embaixador Estraordinariu no Plenipotensiariu Estadu Kuwait ba Republika Demokratika Timor Leste, Khalid Jassim Alyassin, hodi diskute hametin relasaun bilateral iha setor ekonomia, infraestrutura no Petroleu.
Bainhira remata halo enkontru Embaixador Estraordinariu no Plenipotensiariu Estadu Kuwait ba Republika Demokratika Timor Leste, Khalid Jassim Alyassin ba jornalista sira iha Palasiu Prezidensial Nicolau Lobato, Bairo Pite, Sesta (12/06/2026) hatete, sente haksolok halo enkontru ho Prezidente Republika, no iha hasoru malu nee koalia konaba karta kredensia neebe ohin entrega alende nee deskute oinsa hametin koperasaun rai rua.
“Iha hasoru malu ohin ami diskute hamutuk kona-ba karta kredensia neebe ohin mai entrega alende nee halo enkontru ho Prezidente Republika, Jose Ramos Horta koalia mos konaba koperasaun rai rua entre Kuwait ho Timor Leste oinsa hametin liu tan iha futuru,” dehan Embaixador.
Iha hasoru malu nee lider nain rua halo enkontru konfirma hodi hatudu eleva diak liutan relasaun bilateral entre pais rua nee. Tanba parte Kuwait hakarak vizita fali, oinsa bele reforsa liutan relasaun sira nee liu husi investimentu, liu husi dezenvolvimentu iha setor ekonomia, infraestrutura, petroleu.
Prezidente Republika, Jose Ramos Horta ho Embaixador Kuwait diskute kooperasaun bilateral, aleinde nee diskute mos konaba funu iha mediu oriente.
Liga ho funu iha Medio Oriente nian, Prezidente hatoo nia solidariedade ba Kuwait, nuudar pais iha rejiaun neebe mak afetadu husi krize neebe mak mosu agora.
No Prezidente sempre hanoin katak, husi parte Kuwait nian enkoraja atu parte rua bele halo diplomasia neebe diak liut an, atu bele koalia diak liu tan, atu bele redus konflitu neebe mak iha.
Dadaun nee Timor Leste ho Kuwait estabelese relasaun diplomatika iha 16 Dezembru 2003. Relasaun bilateral sira nee karakteriza ho solidariedade istorika no foku neebe aumenta iha dezenvolvimentu ekonomiku. Iha tinan 2007, Primeiru-Ministru Kuwait vizita Dili, iha neebe asina ona akordu balun kona ba kooperasaun teknika no komersial.
Iha tinan nee, Kuwait iha Timor Leste fo doasaun iha material mediku no fo ambulansia foun lima nuudar parte husi asistensia umanitaria.
(eme)
