DILI, STLTIMORLESTE.com – Prezidente Republika (PR), José Ramos-Horta enkontru informal ho Sekretariu Jeral (SekJer) Nasoins Unidas, António Guterres.
Prezidente Repúblika, Ramos-Horta hala’o enkontru informál ho Sekretáriu-Jerál Nasoins Unidas, António Guterres, iha sede Nasoins Unidas.
Enkontru ne’e hala’o iha margem husi servisu Sesaun da-81 Assembleia-Jerál Nasoins Unidas (AGNU), tuir serimónia abertura Debate Jerál, ne’ebé halibur Xefe Estadu no Governu sira, no reprezentante husi nasaun oioin.
Tuir deklarasaun neebe hatoo husi Komunikadu Imprensa Kinta (24/09/2026) katak, durante enkontru, Prezidente Repúblika no Sekretáriu-Jerál Nasoins Unidas troka kumprimentu badak, iha ambiente kordiál, hafoin sesaun abertura Assembleia-Jerál.
Okaziaun ne’e mós sai oportunidade ba enkontru entre Xefe Estadu no Sekretáriu-Jerál ONU, iha kontestu partisipasaun Timor-Leste iha servisu Assembleia-Jerál.
Prezensa Prezidente Repúblika iha Nova Iorke reafirma kompromisu Timor-Leste ba multilateralizmu, diálogu no kooperasaun internasionál, no mós nia envolvimentu ativu iha sistema Nasoins Unidas.
Enkontru informál ne’e hala’o iha ambiente kordiál, ho Prezidente Repúblika no Sekretáriu-Jerál ONU troka kumprimentu hafoin atividade ofisiál iha Assembleia-Jerál.
Partisipasaun Timor-Leste iha Assembleia-Jerál ONU permite Prezidente Repúblika envolve diretamente iha fórum multilateral ne’ebé reúnia nasaun membru sira hotu.
Assembleia-Jerál mak órgaun prinsipál Nasoins Unidas ba debate, formulasaun polítika no reprezentasaun, ho nasaun membru 193 hotu-hotu reprezentadu.
Kada nasaun membru iha direitu reprezentasaun no votu iha Assembleia-Jerál, ne’ebé trata asuntu oioin tuir Carta Nasoins Unidas.
Sesaun da-81 Assembleia-Jerál ONU loke ona iha 8 Setembru 2026, no sei taka iha 7 Setembru 2027.
Tema Sesaun da-81 mak “Restaurar Konfiansa, Jere Transformasaun: Nasoins Unidas ne’ebé Servisu ba Ema Hotu.”
Debate Jerál Sesaun da-81 hala’o husi 22 to’o 26 Setembru no kontinua iha 28 Setembru 2026, iha sede Nasoins Unidas, Nova Iorke.
Iha Debate Jerál, xefe estadu no governu, no reprezentante nivel aas, hato’o pozisaun no prioridade sira kona-ba dezafiu internasionál ne’ebé mundu enfrenta.
ONU hatete katak, Sesaun da-81 buka revitaliza kooperasaun globál, haforsa Objetivu Dezenvolvimentu Sustentável no promove asaun koletiva ba pás, dignidade no igualdade.
Iha kontestu ne’e, prezensa Timor-Leste iha Assembleia-Jerál fó oportunidade ba lideransanasional atu partisipa iha diálogu multilaterál kona-ba asuntu globál.
Envolvimentu Timor-Leste iha sistema Nasoins Unidas mós importante ba haforsa kooperasaun internasionál no relasaun diplomátika ho nasaun membru sira.
(eme)
