DILI, STLTIMORLESTE.com – Prezidente Republika (PR), Jose Ramos Horta hatete, nia fiar 100%, garante katak kadoras Greater Sunrise sei dada mai Timor Leste.
Prezidente Republika Jose Ramos Horta hatoo kestaun nee ba jornalista sira iha Salaun Prokurador Jeral Republika Kolmera, Sesta nee (09/07/2026) hatete, nia fiar 100% Greater Sunrise sei dada mai iha Timor Leste, tanba dadaun nee negosiasaun lao hela.
“Sim nee 100% seguru ona great sunrise sei mai Timor Leste nee laiha duvida, fulan hira nia laran demora tebes tanba negosiasaun nee kompleksu mete hatama finanasas, hatama impostu buat oin oin ita koalia ho rejime rua rejime finanseiru no rejime impostu rua ka tolu, ida Australia nia, ida Timor nia great sunrise nee laos ita nia deit 20% Australia nia tasi okos ita nia 80%,” dehan Prezidente Republika.
Prezidente Republika hatete, dadaun nee negosiasaun lao hela no Prezidente hatete USAID halo boafe sira hatene ona Great sunrise sei mai Timor Leste nee laiha duvida. “Fulan ida nee hau hanoin asina akordo,” katak PR Horta.
Maibe mandatu IX Governu hela deit ona tinan rua atu remata ona, Prezidente Republika iha esperansa garante Greater Sunrise sei mai ka lae? hatan ba kestaun nee Prezidente Republika hatete nia garante sei mai Timor Leste.
“Garante, depois tinan rua tan mak ita haree maibe agora dadaun nee hau bele hatete great sunrise sei lao, Governu foun mai konforme sese mak mai ukun hau fiar tanba sei kontinua, uluk kedas ho premeiru Governu konstitusional ho Primeiru Ministru doutor Mari Alkatiri nia uluk kedas mos luta makaas hasoru Australia, depois mai Maun boot Xanana Kontinua portantu iha buat balun ke Timor Leste iha kontiniudade iha pre-siblidade politiko signifika Governu ida hahu Governu sira seluk sei kontinua,” dehan PR Horta.
Xefe Estadu hatete, Greater Sunrise mai Timor Leste nee politika nasional laiha problema konaba assuntu ida nee.
(eme)
