DILI, STLTIMORLESTE.com – Prezidente Republika (PR), Jose Ramos Horta ho ekipa husi ONG Move hodi diskute hamutuk konaba emprendedorizmu no Dezenvolvimentu iha Timor Leste (TL).
Iha loron Segunda (06/07/2026) Prezidente Republika Jose Ramos Horta simu ekipa husi ONG Move iha palasiu Prezidensial Nicolau Lobato Bairru Pite, hodi rona hanoin no diskute hamutuk konaba emprendedorizmu no Dezenvolvimentu iha Timor Leste (TL).
Iha sorumutuk nee, reprezentante sira aprezenta sira nia membru ekipa foun, neebe too ona iha Timor-Leste fulan lima liu ba, no hatoo agradesimentu ba apoiu tomak husi Prezidente dezde organizasaun nee komesa ninia atividade iha rai-laran iha tinan 2011.
Reprezentante sira fo informasaun foun ba Xefe Estadu kona-ba inisiativa atual no estratejia dezenvolvimentu ba períodu 2025-2026.
Diskusaun nee foka liuba impaktu MOVE nian ba komunidade lokal no sira-nia kompromisu hodi promove dezenvolvimentu sustentavel liuhusi emprendedorizmu, hodi hatudu parseria forte entre ONG nee ho Prezidensia Timorense.
Atu taka vizita nee, voluntariu sira konvida pessoalmente Prezidente Ramos Horta atu partisipa iha Feira Empreendedor MOVE nian, neebe sei akontese iha sabadu nee, loron 11 Julhu, iha Díli.
Feira nee hanesan eventu referensia ida husi organizasaun nee nian, neebe ho objetivu hodi hatudu progresu no talentu husi empreendedor lokal sira neebe hetan apoiu husi programa treinamentu ONG nian.
Iha biban nee Prezidente Republika Jose Ramos Horta fo benvindu ba ekipa husi ONG Move neebe bela hakat ona ba Palasiu Prezidensial hodi fo hanoin ba malu konaba atividade neebe Move durante nee halo iha Timor Leste.
(eme)
