DILI, STLTIMORLESTE.com – Prezidente Republika (PR), Jose Ramos Horta husu Sekretartiu G7+ ho ekipa hola parte iha programa premiu Nobel.
Tinan nee Prezidensia Republika kolabora ho Governu sei realiza eventu boot halibur grupu esepsional ida husi manan-nain sira Premiu Nobel nian, vensedor sira Premiu Turing nian, sientista sira, ekonomista sira no líder dezenvolvimentu global sira neebe naran boot, hodi oferese forum uniku ida ba dialogu kona-ba siensia, edukasaun no inovasaun ba dezenvolvimentu sustentavel, eventu daruak mak selebrasaun ofisial ba tinan 30 Premiu Nobel Pas nian, neebe sei reforsa trajetoria dame, rekonsiliasaun no konstrusaun Estadu iha Timor-Leste.
Ho eventu hirak nee Prezidente Republika husu Sekretariu G7+ ho ekipa atu hola parte mos iha laran.
Kestaun nee hatoo husi Sekretariu Jeral Sekretariadu G7+ Helder da Costa ba jornalista sira, bainhira remata hasoru malu ho Prezidente Republika Jose Ramos Horta iha Palasiu Prezidensial Nicolau Lobato Bairru Pite Segunda 13/04/2026.
SEKJER G7+ hatete, iha hasoru malu nee Prezidente Republika husu ekipa G7+ atu hola parte iha programa importante nee.
“Prezidente rasik husu para g7+ halo parte mos iha preparativus iha ajenda entermus de substansia konaba Konferensia kona-ba nobel prize neebe sei halao iha 25-26 de agostu iha Dili no Sua Exelensia husu g7+ bele kontribui entermus de substansia entermus de drafting liu-liu ba deklarasaun neebe sei hamosu konferensia ida nee. Mais ou menus ida nee mak ohin ami koalia ho Sr. Prezidente,” dehan Sekjer G7+.
Iha hasoru malu nee Prezidente Republika Jose Ramos Horta kontenti teb-tebes rona atualizasaun sira neebe ekipa G7+ relata ba Prezidente Republika.
Nia hatutan, iha hasoru malu nee Prezidente Republika mos f onia pontu de vista konaba kualidade nuudar Xefe Estadu.
“Prezidente hanesan fo nia pontu de vista na kualidade hanesan Xefe do Estadu nia sempre iha relasaun diak ho ninia governu hotu-hotu ami mos ohin koalia kona-ba inisiativa balun Sr. Prezidente koalia kona-ba futuru eleisaun sekretaria jeral ONU nian Sr. Prezidente iha knaar nia mos sei suporta ema balun iha nivel sekretariu jeral ONU nian ohin Sr. Prezidente hanesan simplemente esplika deit demomoda jeral ba ami,” katak nia.
Alende nee Tinan ida nee Prezidensia Republika halo koleborasaun ho IX Governu Konstitusional sei realiza eventu boot tolu iha tinan ida nee.
Prezidensia Republika hamutuk ho Governu sei selebra eventu boot tolu iha Timor Leste iha tinan ida nee mak hanesan Science for Development Summit 2026, Dili Maratona Internasional no Natal do Povu.
(eme)
