DILI, STLTIMORLESTE.com – Prezidente Republika (PR), Jose Ramos Horta konfere kondekorasaun de Estado ba Lider no ofisial Polisia Vanuatu ba sira nia kontribuisaun ba TL.
Iha loron Kinta (30/07/2026) Prezidente Republika, Jose Ramos Horta konfere kondekorasaun de Estado Timor-Leste nian ba líder sira nomos ofisial polísia hamutuk lima-nulu resin sia 59 Vanuatu nian, nuudar rekonesimentu ba sira-nia kontribuisaun no solidariedade durante Timor-Leste nia luta ba autodeterminasaun.
Serimonia solene nee halao iha Gabinete Estadu nian iha Port Vila hanesan parte ida husi Prezidente nia Vizita Estadu dahuluk ba Vanuatu, koinsidu ho selebrasaun Loron Independensia nasaun nian ba dala 46.
Prezidente Ramos-Horta Kondekora Grau Colar da Ordem de Timor-Leste ba líder distintu nain tolu hanesan Honoravel Jotham Napat, Primeiru-Ministru Vanuatu nian (Dekretu Prezidente Republika Nu. 77/2026), no Honoravel Barak Tame Sope, Eis- Primeiru-Ministru Ministru Vanuatu (Dekretu Prezidente Republika No. 80/2026) no Honoravel Saudozu Walter Lini, Primeiru-Ministru Dahuluk no Aman Fundador Vanuatu nian (postumu, Dekretu Prezidente Republika Nu. 43/2015).
Orden Timor-Leste rezerva ba indivíduu sira neebe halo ona aktu eroizmu no altruizmu neebe espontaneu, hodi kontribui signifikante ba moris diak Timor-Leste, ninia povu, ka umanidade. Onra nee rekonese sira nia kompromisu hodi hametin relasaun amizade no kooperasaun entre Republika Vanuatu no Republika Demokratika Timor-Leste. Kontinua lasu istoriku sira solidariedade nian neebe halibur nasaun rua nee, Vanuatu mantein ninia apoiu ba kooperasaun bilateral ho Timor-Leste. Konverjensia valor no objetivu komum neebe iha fundamentu ba promosaun pas, estabilidade, no dezenvolvimentu kontribui ona ba fortalesimentu relasaun entre Estadu rua nee no konsolida kooperasaun iha kontestu rejional.
Honoravel Jotham Napat, reprezenta kapítulu foun no reafirmativu iha amizade kontinua entre Vanuatu no Timor-Leste. Ninia lideransa kontinua hametin ligasaun bilateral sira, hodi garante katak Estadu illa kiik rua nee sai nafatin lian aliadu sira iha rejiaun Azia-Pasífiku, unidu liu husi dezafiu komum, respeitu ba malu, no dedikasaun ba soberania koletiva.
Honoravel Barak Tame Sope, Timor-Leste nia belun metin ida neebe nia solidariedade ultrapassa diplomasia tradisional. Nia halo viajen ba Afrika hodi defende kauza Timor-oan sira nian iha palku internasional no foti desizaun sentral hodi koloka ofisial polísia sira Vanuatu nian ba Timor-Leste. Profundu liu, nia loke nia uma rasik hodi fo abrigu ba lutadores independensia Timor-oan sira, hodi hatudu kompromisu pesoal ida neebe klean tebes.
Honoravel Saudozu Rev. Walter Lini, mak Primeiru-Ministru dahuluk Vanuatu nian no figura ida iha lideransa Melanezia nian, nuudar primeiru no ativu defensor ida ba povu Timor-Leste, maski nia falesidu antes Timor-Leste nia restaurasaun independensia ofisial iha tinan 2002. Ninia klareza moral no solidariedade rejional ajuda ilumina dalan ba auto-determinasaun, husik hela legadu apoiu prinsipal neebe inspira jerasaun aliadu Pasífiku sira.
Liuhusi Dekretu Prezidente Republika Nu. 86/2026, Prezidente Ramos-Horta mos kondekora Medalla Solidariedade Timor-Leste nian ba Ofisial Polísia meritoriu nain lima nulu resin sia neebe serbi iha misaun ONU nian iha Timor-Leste, nuudar rekonesimentu ba sira-nia servisu aten-barani hodi mantein pas no seguransa durante tinan frajil nasaun nian.
Ofisial Polísia nain 59, entre sira hola parte iha grupu dahuluk destaka mai Timor-Leste liuhusi Misaun UNTAET nian, sira fornese laos deit seguransa no orden maibe mos prezensa tanjível fiar internasional nian. Sira-nia servisu hatudu fiar katak pas bele restaura, no sira nia prezensa iha terenu fo esperansa ba nasaun iha tempu neebe difisil liu.
Tuir mai lista Ofisial Polísia Vanuatu nain 59 neebe kodekora ho Medalla Solidariedade Timor-Leste no sertifikadu rekonesimentu lista destakamentu iha timor- leste S/NO Postu & NaraEstadu Atual nmak hanesan, Willie Samuel Komisariu Adjuntu, Joshua Bong Reformadu, Robson Iavro Membru Parlamentu, Luke Siba Falesidu, Paul Thomson Inspetor, Ron Tema Reformadu, Peter Iauko Reformadu, Michel Kalsakar Falesidu, Erick Lomai Reformadu, Roy Lauto Falesidu, Edmond Oswol Inspetor, George Alick Falesidu, Jack Peter, John Kalwas Reformadu, John Mark Hango Superintendente, James Donald Inspetor Xefe, Samuel Boe, Mele Ravo Sivíl, Seretangi Kalsakau Reformadu, Tom Masil Sivíl/Repatriadu, Jara Simon Reformadu, Damasing Seluan Falesidu, George Liu Reformadu, Renny KalonFalesidu, Maj Kalshem Bongran Komisariu, Chief Inspector Dick Fred Falesidu, Senior Sergeant Peter Maru Reformadu, Corporal Mathew Aru Reformadu, Corporal Esrom Molisa Inspetor, Private Ham Bule Macpherson 2006 -2007, Harry Tari Tenente, David Kaloris Major, Mick Ramsai Sarjentu, Julien Daniel, Ala Rendol Inspetor, Samson Lini Reformadu, Albert Nalpini Reformadu, Peter Konti Tenente, Willie Waiwotenente, George Kalran Falesidu, Esrom Namka Reformadu 2008-2010, Samuel Willie, Sandy Manuriki Falesidu, Keith Banabas, August Wilson, Fred Kalkawa Kapitaun, George Japheth Reformadu, Vanua Bani Reformad, John Harold Falesidu, Kapsam Loughman Tenente, John Matin, Jimmy Songi, Noel Amkori Reformadu, Kerby David Reformadu, Glen Nicholson Mahinga Supt, Gray Vuke Falesidu, Sam Kaltalo Wo1, Morise Charly S/Inspetor No William Thomas S/Inspetor.
Iha biban nee Prezidente Republika Jose Ramos Horta hatete nia sente privilejiu konfere Kolar Orden Timor-Leste nian ba Honoravel Jotham Napat, Primeiru-Ministru Vanuatu nian, Honoravel Barak Tame Sope, eis-Ministru Prinsipal Vanuatu nian no saudozu Honoravel Walter Lini, eis-Primeiru-Ministru no Aman Fundador Vanuatu nian no mos Medalla Solidaridade ba polisia meritu sira neebe serbi iha UNTAET, ba sira-nia kompromisu metin no aten-brani ba atinjimentu no manutensaun liberdade iha Timor-Leste.
“Vanuatu nia amizade sai evidente, liu liu husi ajensia neebe kontínua no respeitu klean ba povu Timor-oan, sira-nia aspirasaun, no sira-nia futuru, hanesan hatudu husi sira neebe ita fo onra ohin.” Dehan PR Horta.
Prezidente Ramos-Horta fo omenajen ba Vanuatu nia papel uniku nuudar estadu illa Pasífiku uniku neebe hamutuk ho Timor-Leste iha tempu neebe difisil liu. Nia destaka ligasaun istorika no espiritual neebe klean entre nasaun rua nee, fundamentu iha luta komum ba soberania. Prezidente espesifikamente sublina sakrifísiu pesoal estraordinariu husi eis-Primeiru-Ministru Barak Sope, neebe hatudu katak ninia solidariedade laos deit diplomatika maibe mos konkrete tebes. Prezidente mos rekonese legadu husi saudozu Padre Walter Lini, neebe ninia advokasia ba autodeterminasaun global fo inspirasaun ba povu Timor-Leste, no elojia Ofisial polisia nain 59 neebe serbi iha misaun ONU nian iha Timor-Leste. Prezidente Ramos-Horta liga liutan lideransa atual Primeiru-Ministru Napat nian ba nia legadu forte, hodi reafirma amizade metin neebe liga nasaun rua nee.
Hodi povu Timor-Leste nia naran, Prezidente Ramos-Horta hatoo agradesimentu profundu ba amizade neebe dura no solidariedade metin. Prezidente sublina katak onra sira neebe ohin fo laos deit hanesan símbolu ida apresiasaun klean nian deit maibe mos hanesan lasu ida neebe dura entre nasaun rua nee. Prezidente manifesta deseju atu haklean liutan parseria ho Vanuatu iha tinan hirak oin mai, hodi lori ba oin vizaun no apoiu fundamental sira neebe harii dezde inísiu.
(eme)
