DILI, STLTIMORLESTE.com – Prezidente Republika (PR), Jose Ramos Horta halo enkontru ho Primeiru Ministru (PM) Kay Rala Xanana Gusmão, hodi koalia konaba preparasaun ba 20 Agostu loron FALINTIL neebe tuir planu sei halao iha Matebian.
Prezidente Republika Jose Ramos Horta hatoo lia hirak nee ba jornalista sira iha Hotel Palm, Kampu Alor, Kuarta (08/07/2026).
PR hatete, ohin hasoru malu ho Primeiru Ministru Kay Rala Xanana Gusmão nomos Ministru Defeza no Xefe Estadu F-FDTL hodi diskute hamutuk konaba preparasaun ba komemorasaun loron Falintil neebe selebra iha Loron 20 fulan Agosto neebe tuir planu sei selebra iha Matebian hun.
“Lae hau koalia ho primeiru Ministru ho Ministru defeza no Jeneral Falur, tanba FDTL halo 20 de Agosto iha matebian neeba laos iha leten maibe iha kraik hau konkorda, maibe too agora seidauk koalia ho Primeiru Ministru tanba nee hau bolu sira tanba falta deit fulan ida tenke prepara, I premeiru Ministru dehan sei haree lai nia ajenda hau husu deit semak ba Prezide serimonia nee Prezidente hau ka maun boot Xanana,” dehan Prezidente Republika Jose Ramos Horta.
Prezidente Republika hatete, ohin reuniaun ho Primeiru Ministru Kaya Rala Xanana Gusmao ho Ministru Defeze, no Xefe Estadu F-FDTL rapido latoo 15 minutu hodi koalia deit konaba preparasaun ba selebrasaun 20 Agosto neebe iha planu sei selebra iha Matebian. “Reuniaun nee rapido latoo 15 minutu deit so para klarifika ida nee,” dehan Prezidente.
Aleinde nee asosiasaun Hak neebe mak tau matan ba vitima husu Prezidente Republika karik orsida hasoru malu ho Eis Prezidente Ibu Megawati bele koalia mos reparasaun vitima neebe lakon indonezia? Hatan ba kestaun nee Prezidente Republika hatete orsida hasoru malu iha Palasiu mak sei koalia konaba assuntu sira nee.
(eme)
