DILI, STLTIMORLESTE.com – Prezidente Republika (PR), José Ramos Horta Promove Kultural no Global Timor Leste nia iha Gala Festivál Filme Internasionál Dili (DIFF).
Prezidente Ramos-Horta mós uza plataforma gala nian atu promove pozisaun internasionál Timor-Leste nian ne’ebé maka’as, hodi destaka ho orgullu nasaun ne’e nu’udar rai ne’ebé seguru liu da-tolu iha Sudeste Aziátiku no faról globál ida ba liberdade imprensa.
Prezidente Repúblika no Patrón ba Festivál Filme Internasionál Dili (DIFF), selebra kbiit transformadór husi arte konta istória (storytelling) durante resepsaun Gala DIFF nian ne’ebé hala’o iha Sábadu kalan (03/10/2026) ne’e iha Palásiu Nobre, Lahane.
Organiza husi East Timor Trading Group (ETTG) iha parseria ho DIFF, resepsaun prestijioza “Golden Hour” no Serimónia Prémiu Filme Internasionál DIFF26 serve nu’udar plataforma ida atu onra ezselénsia sinematográfika.
Xefe Estadu gaba organizadór festivál sira, liu-liu onra fundadora DIFF nian, Lena Lenzen, no ekipa iha ETTG ba sira-nia dedikasaun ne’ebé la hatene kolen atu haburas panorama artístiku Timor-Leste nian, hodi espresa ninia ambisaun maka’as atu haree DIFF estabelese ho firme nu’udar festivál filme prinsipál ida ne’ebé rekoñesidu tebes iha Sudeste Aziátiku tomak.
Hodi fahe ninia paixaun ba moris tomak ba “arte da-hitu” (seventh art), Prezidente anima partisipante sira ho anekdota pesoál sira ne’ebé kmaan husi ninia viajen globál sira, inklui sorumutu memorável ho íkone Hollywood nian sira hanesan Gregory Peck, Harrison Ford, no Jennifer Lopez.
Xefe Estadu ho orgullu hanoin hikas fali oinsá nia rekoñese refujiadu Timoroan sira ne’ebé atua nu’udar figura iha filme klásiku tinan 1970-nian The Boys from Brazil, no destaka produsaun filme Indonéziu boot ida ne’ebé sei mai ne’ebé selesiona ona atór Timoroan liu na’in-100.
Prezidente nota katak, marku sira-ne’e subliña potensiál ne’ebé laiha rohan husi talentu Timoroan nian no importánsia kle’an atu uza filme hodi fahe nasaun nia istória úniku ba mundu.
Prezidente Ramos-Horta mós uza plataforma gala nian atu promove pozisaun internasionál Timor-Leste nian ne’ebé maka’as, hodi destaka ho orgullu nasaun ne’e nu’udar rai ne’ebé seguru liu da-tolu iha Sudeste Aziátiku no faról globál ida ba liberdade imprensa. Hodi subliña ambiente Prezidénsia nian ne’ebé fó benvindu no ho “odomatan nakloke”, nia anunsia planu ambisiozu sira ba tinan oinmai atu foti aas liu tan perfil globál nasaun nian.
Notavel liu mak, Xefe Estadu revela ninia vizaun atu transforma Maratona Internasionál Dili iha tinan oin sai nu’udar “Davos ki’ik” ida, eventu ida ho prestíjiu aas ne’ebé dezeñadu atu atrai investidór globál, xefe ezekutivu (CEO), no Laureadu Nobel sira, hodi nune’e impulsiona turizmu, inovasaun ekonómika, no furak Timor-Leste nian ba li’ur husi fronteira sira.
(eme)
