DILI, STLTIMORLESTE.com – Prezidente Republika (PR), Jose Ramos Horta hatete, rikusoin boot liu laos husi buat neebe iha rai okos maibe husi buat neebe mai husi povu Timor Leste.
Prezidente Republika Jose Ramos Horta hatoo kestaun nee liu husi nia mensajen neebe STL asesu husi media Prezidensia Republika Segunda (27/07/2026), bainhira konvida siensia ba dezenvolvimentu 2026.
“Ita nia rikusoin boot liu laos mai husi buat neebe iha ita nia rai okos maibe mai husi buat neebe moris iha ita nia povu Timor Leste, dehan Prezidente Republika Jose Ramos Horta.
Prezidente hatoo liafuan nee bainhira Prezidente Republika Demokratika Timor-Leste fahe mensajen espesial no konvite historiku ida ba sidadaun no belun sira iha mundu tomak.
Iha fulan Agostu nee, Dili ho orgulhu boot sei sai uma-nain ba Simeira Siensia ba Dezenvolvimentu neebe dahuluk liu.
“Ita loke ita nia odamatan ba matenek nain sira sientífiku diak liu iha mundu, Manan Premiu Nobel sira, peskizador global, no inovador sira atu liga diretamente ho ita nia estudante no foinsae mehi-nain sira,” katak nia.
Nee liu fali konferensia ida nee deklarasaun barani ida katak konhesimentu, peskiza, no potensial umanu sai hanesan fukun ba futuru Timor oan nia.
“Ba foinsae Timor Leste sira mundu mai iha Dili atu hasoru imi. Lori imi nia kuriozidade no imi nia pergunta sira. Mai ita hatudu ba mundu katak siensia laos deit esplika ita nia mundu maibe nia ajuda harii nasaun,” dehan PR Horta.
(eme)
