DILI, STLTIMORLESTE.com – Prezidente Republika (PR), Jose Ramos Horta simu audensia husi Enkaregada Negosiu husi Embaixada Emirados Arabes Unidos (EAU), Shaima Salem Alheibsi, hodi hametin lasu amizade rai rua.
Bainhira remata hasoru malu, Enkaregada Negosiu husi Embaixada Emirados Arabes Unidos, Shaima Salem Alheibsi ba jornalista sira iha Palasiu Prezidensial Nicolau Lobato, Bairo Pite, Tersa (18/08/2026) hatete, sente haksolok mai halo enkontru ho Prezidente Republika TL Jose Ramos Horta, hodi hametin lasu amizade rai rua.
“Hau kontente tebes hasoru sua exelensia, prezidente Republika Jose Ramos Horta apresia tebes nia apoiu iha Emiradus Arabes Unidus nia belun diak ida ba Emiradus Arabes Unidus nomos povu Timur, ami apresia ita boot sira,” dehan Enkaregada Negosiu husi Embaixada Emirados Arabes Unidos, Shaima Salem Alheibsi.
Nia hatete, razaun prinsipal mai halo enkontru ho Prezidente Republika Jose Ramos Horta hodi diskute hamutuk konaba preparasaun konaba Ministru Estadu husi Emiradus Arabes Unidus neebe sei vizita mai Timor Leste hanesan vizita altu nivel.
“Ministru Estadu husi Emiradus Arabes Unidus neebe sei vizita mai Timor Leste hanesan vizita altu nivel, sei iha fulan Agostu nia rohan no ida nee hatudu no vontade atu hametin relasaun entre Timor Leste entre Emiradu Arabe Unidu, ho ida nee mak mai informa ba Prezidente Republika, Jose Ramos Horta.” katak nia.
Nia hatete, sira mos sei sai uma nain ba amizade, resepsaun, prezensa atu apoia konsepsaun ida nee iha neebe Emiradus Arabes Unidus mos sei fo premiu ba estudante sira husi Timor Leste. Tuir mai ba projetu ida neebe mak kolabora entre Universidade no ministra Edukasaun, iha neebe estudante sira hatudu hela ekipa mais ou menus vídeo rua ba liu hosi sira nia matan rasik.
“Entaun ida nee atu hatudu deit katak natureza entre Nasaun rua, laos deit limitadu ba governu, maibe mos ema mantein ema no fo kbiit ba estudante sira,” katak nia.
Nia hatete, durante iha Timor Leste sei apoiu mos projetu barak liu tan no rezultadu sira neebe util liu tan husi vizita sira.
Iha biban nee, Prezidente Republika Jose Ramos Horta hatoo agradese no benvindu ba Enkaregada Negosiu husi Embaixada Emirados Arabes Unidos, Shaima Salem Alheibsi neebe mai Timor Leste, liu liu ohin halo enkontru ho Prezidente rasik hodi hametin lasu amizade rai rua iha futuru.
(eme)
