DILI, STLTIMORLESTE.com – Prezidente Republika (PR), Jose Ramos Horta hatete, unidade iha Timor Leste (TL) iha benefisiu laiha divizaun politika ideolojia.
Prezidente Republika Jose Ramos Horta hatoo kestaun nee liu husi nia diskursu, bainhira partisipa seminariu konsolidasaun entre estadu no akademista hodi mantein resiliente Dezenvolvimentu no sustentablidade ba nasaun iha Palasiu Prezidensial Nicolau Lobato, Bairo Pite, Tersa (26/05/2026).
Prezidente Republika hatete, tuir nia haree unidade iha Timor benesifia los laiha divizaun politika ideolojia doutrinaria ke fahe ema makaas hanesan iha Amerika.
Prezidente Republika Jose Ramos hatete, ohin foka liu ba konsilidasaun demokratiku unidade nasional, liafuan koalia barak los, no koalia konaba unidade dala barak ema dehan unidade nee lider sira presiza tuur hamutuk no kaer liman no seluk tan.
PR Ramos dehan, unidade barak hanoin katak lider hotu tenke tuur hamutuk tenke hakoak malu liafuan nee uza bebeik kaer liman parese ke lamoris iha demokrasia ida tenke lider sira iha partidu partidu politiko sosiedade sivil, intelektual iha partidu politiko ou laiha karik iha inklinasaun ruma ba fiar ruma.
“Kestaun iha Timor hau haree observasaun laos nuudar lider nuudar ema ida, hau observa iha rai barak barak se partidu barak iha parlamentu reflete duni kestaun ideolojika doutrina ruma politika diak partidu sira nia Plataforma define diskursu partidu nia ideolojia. partidu hamrik iha klaran, karuk, ka los realidade hau hatete ba ita boot sira hau nia observasaun,” katak nia.
Xefe Estadu dehan, koalia konaba idelozia laiha diferensia laiha ida mak ema define ida nee sosialista hanesan Portugal no Fransa ou liberal mos laiha
Diferente bele iha intermus de semak lidera partidu nee kaer Governu saida mak prioridade iha setor ekonomia Governu bele halo prioridade seluk maibe Prioridade premeiru mak eletrisidade, seluk mak estrada, prioridade ba edukasaun, agrikultura tau matan ba kestaun sosial buat sira nee mak prioridade ba Governu nia, tau matan ba kiak sira
“Unidade hau haree iha Timor benesifia los laiha divizaun politika ideolojia doutrinaria ke fahe ema makaas hanesan iha amerika, iha partidu Republikanu, no demokrata iha Republikanu laran divizaun makaas los mais laos 100% tanba ekonomia, hau haree didiak entre Republikanu no demokrata diferente ladun boot,” katak PR Horta.
Prezidente Republika hatutan, iha Eropa oin seluk tanba Eropa depois segundu Guera makaas apoiu sosial politika Hospitais gratis kuaze gratis internet kualidade iha Eropa, edukasaun kualidade no sira hotu hotu.
Lider presiza iha ideolojia no komunika maske matenek boot doutoradu, masteradu komuladu maibe kuandu lahatene komunika entau Doutor nee iha livru deit universidade biblioteka nasional maibe nuudar lider tenke hatene komunika no fahe selahatene laliha tama politika.
Bele hanesan tekniku ida iha Governu, Maibe kuandu hanesan lider tenke dada ema mak lider tenke komunika no fahe idea ba ema seluk konaba planu Governu nia planu bao in oinsa hadia povu nia moris.
(eme)
