DILI, STLTIMORLESTE.com – Padre Paul Kerans, SVD hatete, ema ida-idak presiza halo orasaun no meditasaun, hodi buka komprende klean Maromak nia liafuan sira. Ida nee ezije atu hasaun fatuk duvida neebe impede fiar espiritual.
Padre Paul dehan, atu fo fuan, primeiru tenke prepara laran. Ida nee inklui uza tempu atu halo orasaun no meditasaun, hodi buka atu komprende klean Maromak nia Liafuan. Ida nee ezije ema atu hasai fatuk sira duvida nian no ai tarak sira ansiedade no hakarak nian neebe bele impede ema nia kresimentu espiritual, tenke hakaas aan atu iha fiar neebe metin no bele hasoru susar sira no metin nafatin iha Kristu.
Padre Paul Kerans SVD ba STL, Sesta (24/07/2026) hatete, refleksaun ba loron Sesta foti husi Evanjelhu Mateus 13:18-23, iha Evanjelhu ohin nian, Jesus esplika ai knanoik konaba ema neebe kari fini. Nia deskreve oinsa tipu rai oioin simu fini no produz rezultadu oioin.
“Pasajen ida nee oferese reflesaun klean ida kona ba kondisaun ita nia fuan nian no impaktu Maromak nia Liafuan nian iha ita nia moris,” katak Padre.
Padre hatete, Jesus deskreve konaba rai tipu haat, rai ibun, rai fatuk, rai tarak no rai diak. Ida idak reprezenta resposta neebe la hanesan ba mensajen konaba Maromak nia ukun.
Fini sira neebe monu iha estrada ninin manu sira han lalais, hodi simboliza sira neebe rona liafuan maibe la komprende, husik ema aat atu naok. Fini sira iha rai fatuk moris lalais maibe namlaik lalais no mate tanba la iha abut neebe klean. Ida-nee reprezenta ema sira neebe simu liafuan ho ksolok maibe monu bainhira mosu problema tanba sira nia fiar klean. Fini sira neebe monu iha ai tarak nia leet reprezenta sira neebe rona liafuan maibe preokupasaun moris nian no bosok rikusoin nian domina sira, hodi rezulta Liafuan sai la fo fuan. Ikus mai, fini sira iha rai neebe diak no bokur sei moris no produz koleita neebe barak, simboliza sira neebe rona liafuan, komprende, no fo fuan liu husi perseveransa.
Padre dehan, ai knanoik ida nee dezafia ema atu ezamina fuan nia. Ema prontu atu simu Maromak nia Liafuan ka lae? Ema husik ida nee atu tau abut no transforma iha moris? ka distrasaun no difikuldade sira maka difikulta nia kreximentu? rai diak karakteriza ho abertura, komprensaun, no kompromisu atu haburas no haburas Maromak nia liafuan iha ema nia laran.
“Atu fo fuan, uluk nanain ita tenke prepara ita nia laran. Ida nee inklui uza tempu atu halo orasaun no meditasaun, hodi buka atu komprende klean Maromak nia Liafuan. Ida nee ezije ita atu hasai fatuk sira duvida nian no ai tarak sira ansiedade no hakarak nian neebe bele impede ita nia kreximentu espiritual. Ita tenke hakaas an atu iha fiar neebe metin no bele hasoru susar sira no metin nafatin iha Kristu,” katak Padre.
Bibi Atan Kreda Katolika nee dehan, moris ida neebe fo fuan karakteriza ho transformasaun lolos. Nuudar ema moris tuir Jesus nia hanorin sira, ema nia atitude sira, asaun sira, no relasaun sira tenke reflete ninia domin no grasa. Difikuldade ida nee manifesta iha ema nia laran diak, pasiensia, laran-luak, no kompromisu ba justisa no mizerikordia. Ho maneira ida nee, ema nia sasin inspira ema seluk atu buka relasaun transformadora hanesan ho Maromak.
“Hodi medita konaba aiknanoik nee, mai ita haburas ita nia laran hanesan rai neebe bokur. Mai ita simu Maromak nia liafuan no husik nia atu tau abut no buras iha ita nia laran. Nuudar ita fo fuan, mai ita nia moris fo gloria ba Maromak no habelar ninia reinu, hodi lori esperansa no naroman ba mundu neebe presiza,” hakotu Pe.
Nunee mos Padre Rikardus Pasang, SVD hatete, refleksaun ba loron ohin foti husi evanjellu (Jer 3:14-17) (Mt 13:18-23). Bainhira fuan sai hanesan dezertu maran, no ema nia ain hakat ba dook husi uma, Nai bolu “Fila mai, o hau nia oan. Hau mak Bibi Atan neebe guia o ho domin, laos ho hirus, maibe ho bolu o nia naran,” dehan Padre.
Haree, Maromak troka triste sai dansa no rega ho matan been too sai natar buras. Buat neebe maran, Maromak halo matak fali, buat neebe kanek, Maromak kura fali. Tanba iha Maromak nia liman, dezertu mos bele fo fuan.
“Entaun mai ita halo ita nia fuan sai rai diak, laos dalan todan no makaas, laos ai tahan neebe nakonu taka metin. Fo biban ba Vervo Divino haabut aan, moris buras no fo fuan, tolu nulu, neen nulu, atus ida too ema nia moris sai hananu ba Maromak.
(eme)
