BAUCAU, STLTIMORLESTE.com – Projetu reabilitasaun estrada diresaun Laga-Baguia iha Munisipiu Baucau, neebe responsabiliza husi Kompanhia Norinco International Cooperation servisu liu ona kontratu, maibe seidauk finaliza servisu inklui servisu balu laiha kualidade.
Projetu reabilitasaun estrada Laga-Baguia lansa fatuk dahuluk iha tinan 2022 ho durasaun tempu servisu fulan 24 neebe responsabiliza husi kompanhia Norinco International Cooperation no hetan suprevizaun husi Kompanhia PT. Inacon Luhur Pertiwi, JV Kai Watu Kmanek Consultant, Unip. Lda, no PT Sinotech Engineering Indonezia, ho valor orsamentu US$ 21,695,194.98, neebe hadiak ho luan estrada metru 7, kompostu alkatraun metru 4, alargamentu metru 1 no ombru metru 2 ba distansia estrada kilometru 38.3 husi area Postu Laga too Postu Baguia.
Tuir kontratu neebe iha, projetu refere ho durasaun servisu fulan 24 no tuir tarjetu lo-loos projetu refere finaliza ona, maibe too ohin loron seidauk finaliza, iha neebe servisu balu hanesan moru protesaun sira balu laiha kualidade.
“Durante udan foin lalais nee tembok penahan neebe sira halo iha Samalari nee area Baguia Vila nian nee komesa nakfera fila fali,” informa Administrador Postu Baguia, Mário Xavier da Silva ba STL liu husi telefone, Segunda (01/06/2026).
(tom)
