DILI, STLTIMORLESTE.com – Hafoin realiza reuniaun Ordinadia Konselhu Ministru (KM) Comunidade dosPaísesdeLinguaPortuguesa(CPLP) ba dala XXXI, iha salaun Nobre Ministeriu Negosiu Estranjeiru no Kooperasaun (MNEK) Dili, Sekretaria Executivu CPLP, Maria de Fatima Jardim realiza serimonia asina akordu kooperasaun ho media Dilijente, atu promove lingua Português iha Timor Leste (TL) liu husi produtu jornalistiku iha area ekonomia, Saude, Edukasaun too area remotas sira iha nasaun ida nee.
Hafoin asina akordu kooperasaun nee, Diretora Media Dilijente, Antonia Kastono Martins ba STL iha Salaun Nobre Ministeriu Negosiu Estranjeiru no Kooperasaun Pante Kelapa Dili, Kuarta (19/08/2026) katak, ohin media Dilijente ho Sekretaria Executivu CPLP halao asina akoordu kooperasaun serbisu hamutuk finansiamentu ba projetu neebe Dilijente halo naran Lusofonia em Timor Leste.
“Projetu ida nee, bazikamente ami nia jornalista sira sei tun iha kada munisipiu hodi halo formasaun joven sira iha munisipiu. Formasaun nee, kona ba jornalismu, objetivu dezenvolvimentu sustentabel (ODS) nomos kona ba lusofonia ka eransa sira neebe liga ho komunidade CPLP nian,” dehan Diretora Media Dilijente.
Nia haktuir tan katak, formasaun nee sei halo ho lian portuguesa maibe sei kahur ho Tetun atu fasilita komprensaun joven sira nian, iha Munisipiu neeba no iha formasaun nee joven sira mos iha oportunidade atu hakerek notisia kona ba materia treinamentu neebe sira simu nee, ezemplu ODS nee, koalia kona ba Nutrisaun, kuandu iha sira nia munisipiu mak iha problema kona ba nutrisaun, entaun sira hakerek notisia kona ba ida nee no karik iha sira nia Munisipiu, iha eransa husi Portugal ou nasaun balun iha membru CPLP entaun sir abele hakerek istoria ruma kona ba ida nee.
“Tuir akordu asina Memorandum nee, projetu sira nee sei dura durante tinan 2, tanba nee hafoin asina nota entendimentu nee, ami komesa implementa liu husi prepara ninia implementasaun, iha nasaun TL, tanba projetu nee ninia objetivu barak loos, objetivu ida mak atu habelar lingua Portuguesa nee ba iha joven sira neebe hela iha munisipiu. Ho projetu ida nee, ami espera katak, joven sira iha kontaktu neebe barak liu ho lingua Portuguesa nomos liu husi notisia sira neebe joven sira hakerek iha lingua Portuguesa nee, bele lori mos istoria husi TL ba iha nasaun membru CPLP,” dehan nia.
Nia dehan, asina akordu Sekretaria Executivu CPLP ho Dilijente ho montante osan hamutuk US$ 124.000 neebe CPLP sei fo, maibe projetu nee rasik nia total orsamentu nee hamutuk US$ 155.000, signifika parte balun Dilijente tenke esforsu aan hodi hetan tan osan husi nee no osan neebe CPLP fo ba Dilijente nee, ida nee maioria kontribuisaun husi Governu Timor Leste, tanba Governu Timor liu husi MNEK, iha tinan 2 liu ba aprova osan hodi fo kontribuisaun ba CPLP nee, totao US$ 155.000.
Iha biban nee, Ministru Negosiu Estranjeiru no Kooperasaun Timor Leste (MNEK), Bendito Freitas dehan, TL lidera enkontru ordinariu Konselhu Ministru CPLP ba dala XXXI, neebe debate asuntus importante neebe mai husi grupo trabalhu tekniku neebe hili tema konsolidasaun estadu de Direitu demokratika ba dezafiu CPLP, neebe prezensa husi Sekretaria Exekutivu CPLP nian, ministeriu Negosiu estranjeiru, embaixadores sira hotu pais CPLP mai husi Angola, Brazil, Cavo Verde, Sao tome Prinsipe, mocambique, Angola partisipa iha enkontru ida nee.
“Pontus importante neebe ma kami koalia maka TL maka sai prezidente kontempora ida nee, hili programa kona ba joventude, mobilidade kona ba edukasaun, Saude no teknolojia,” dehan MNEK, Bendito Freitas.
Iha biban nee, Sekretaria Exekutivu CPLP, Maria de Fatima Jardim dehan, durante reuniaun ordinariu Konselhu Ministru CPLP, koalia asuntu prinsipal neebe maka membru nasaun CPLP hasoru no ohin kongkretiza liu tan liu husi asina nota entendementu kooperasaun entre Governu TL, liu-liu promove lingua Português.
(jos)
