DILI, STLTIMORLESTE.com – Polisia Sientifika Investigasaun Kriminal (PSIK) hetan delegasaun kompetensia husi Ministeriu Publiku (MP), hodi halo ezaminasaun ba objetu aprendidu.
Portavoz PSIK, Mario Tavares dehan, relativu ho delegasaun kompetensia PSIK simu ona delegasaun kompetensia husi prosesu balu neebe akontese. No sei la temi prosesu hirak maka Ministeriu Publiku delega, maibe iha delegasaun kompetensia.
Nunee, iha delegasaun kompetensia nee, PSIK halo ona ezaminasaun ba kazu sira neebe maka iha ona delegasaun kompetensia.
“Ba scamming ezaminasaun sei hela faze iha segredu justisa, atu dehan deit ita halo ezaminasaun, nia rezultadu servisu seidauk hotu, kuandu nia rezultadu iha ita informa uluk ba Ministeriu Publiku hanesan nain ba asaun penal,” dehan nia ba jornalista sira iha Edefisiu PSIK, Sesta (14/08/2026).
Dehan, konaba ezaminasaun nee sempre iha prazu balu loron 30, balu loron 60, balu loron 90, no prazu nee hotu maka ezaminasaun seidauk konklui, bele husu tan prazu ba iha Ministeriu Publiku.
Hatan konaba durante nee PSIk simu keixa hira, nia dehan besik quatru sentos.
“Keixa jeral iha PSIK dezde Janeiru too agora iha besik quatro sentos keixa neebe tama iha PSIK. Ba krime Burla Agravadu, Scamming Call Centre, omisidiu,” dehan nia.
Hatutan, hanesan Polisia kompetensia jenerika, la limita atu simu keixa, konaba keixa neebe ho elementu krime nian simu no rejista. No keixa neebe sira hato iha duvidas hela ho natureza krime no sivil, sempre haruka ba iha MP atu halo atuasaun.
Iha fatin ketak, Akademiku UNTL, Rafael de Jesus dehan, PSIK iha papel importante atu halo examinasaun, hodi deskobre konaba kazu neebe iha,” dehan nia.
Hatutan tan, tau konfiansa ba iha PSIK atu halao nia knar, fiar katak sira sei servisu halo ezaminasaun hodi deskobre verdade.
(ter)
