DILI, STLTIMORLESTE.com — Rabit Anan manan Mameran ho skor 3–1 iha Liga Voleibol Timor Leste, Segunda Divizaun epoka 2026, Sabadu, 22/08/2026.
Partida ne’e realiza iha Ginásiu Dili, envolve ekipa feminina rua, Rabit Anan no Mameran.
Mameran komesa partida ho dominasaun iha set dahuluk, liu husi servis, passing, smash no blok ne’ebé efetivu. Ekipa ne’e manan ho skor 25–12.
Iha set daruak, Rabit Anan muda ritmu jogu no aumenta presaun. Ho kombinasaun servis, passing, smash no blok ne’ebé diak, Rabit Anan manan 25–21, hodi empate rezultadu 1–1.
Set datoluk lao maka’as, tanba Mameran esforsu atu fila fali ba partida. Maibé, Rabit Anan nafatin domina no manan 25–21, hodi lidera 2–1.
Iha set dahat, Rabit Anan hatudu dominasaun boot liután no kontrola partida. Ekipa ne’e taka set ho skor 25–10 no asegura viktória final 3–1.
Rezultadu ne’e halo Rabit Anan sai vensedora, enkuantu Mameran simu derrota iha kompetisaun Liga Voleibol Timor Leste Segunda Divizaun epoka 2026.
(leo)
