DILI, STLTIMORLESTE.com – Relasiona ho rai neebe lokaliza iha Tasi Tolu, antes nee kompanhia Pelican Paradise mak utliza halo servisu, maibe la tuir prosesu neebe iha. Tanba nee, rai nee sei fila fali ba iha Governu no Ministeriu Justisa (MJ) mak sei administra.
“Neste momentu rai ida nee konforme dekretu lei 36/2025 iha 15 fulan Outubru katak, iha artigu 14 hateten katak rai sira neebe la iha ona nain ema la uja ona sei fila fali ba Governu, iha nee Ministeriu Justisa mak sei Administra, hodi nunee halo sedensia utilizasaun ba iha Ministeriu relevante, “Dehan Ministru Justisa, Sergio Hornai ba jornalista sira iha Kaikoli, Tersa (18/08/2026).
Nia hatutan, rai ida nee importante tebes, koalia ona ho Vice Primeiru Ministru atu hare ba iha investimentu estrateziku sira neebe atu halo iha fatin refere, halo hela kordenasaun servisu oinsa maka atu halo sedensia ho terenu refere, tamba nia dominiu privadu Estadu no mos dominiu publiku Estadu iha neeba abranjen ho situasaun rua.
Esplika, sei halo sedensia hare pedidu neebe ofisiozamente mai husi ministeriu relevante sei halo sedensia, atribuisaun atu bele halo utilizasaun ba iha turistika ka ba iha zona industria sira seluk.
Reforsa, iha ona konversa ho Vice Primeiru Ministru lao ona, depois konklui tiha kanselamentu ka suspende tiha atividade sira husi Pelican Paradise nian automatikamente sei koalia ba iha neeba atu halo prosesu sedensia.
Afirma, ita nia hakarak maka atu halo fatin ida neebe bele reprezenta hanesan mos, karik halo husi Pelican Paradise fatin ida neebe bele uza ba iha interese atividade sira neebe semeira ka konferensa sira neebe halo.
Akrsenta, wainhira halao reuniaun iha CCD deklarasaun Vice Primeiru Ministru dehan katak, ita tenke termina ita nia relasaun kontratu ho Pelican Paradise notifika ona, sira mai ho sira nia argumentu no justifikasaun maibe ita mantein katak, tinan 2022 to agora Covid la iha ona la halo mudansa iha neeba. Nia manifesta nia desinterese nia lakohi halo atividade ruma iha neeba ita iha razaun hare fila fali kontratu investimentu estratejiku neebe maka halo.
Hatan konaba konstrusaun neebe Pelican Paradise halo hela nee oinsa, MJ dehan tuir lei hateten se ita la iha relasaun kontratu ida neebe nia bele lori bele lori, ida neebe hela bele hela se maka sai hanesan senioria ba projeitu nee Governu, bele ho governu. Maibe ita la iha ona relasaun kontratu ho sira, ita husu obrigadu, se nia iha hakarak interese atu halo fali relasaun kontratu ruma bele hare fali fatin seluk.
Iha fatin ketak, Akademiku UNTL, Sebastiao Dos Santos dehan, governu tenke seriu ho empreza neebe kaer projeitu, se sira la halo tuir akordu tenke foti desizaun.
“Hanoin tenke kontrola se sira halao servisu la tuir kontratu neebe iha, diak liu tenke foti kestaun ruma labele husik deit,” dehan nia.
Afirma tan, kompanhia sira tenke halao servisu tuir regra neebe iha, liu liu tuir kontratu neebe iha atu labele hamosu duvidas iha sosiedade nia leet, se hamosu duvidas mak tenke foti desizaun ruma.
(ter)
