ATENAS, STLTIMORLESTE.com – Real Madrid kontinua hatudu nia mentalidade kampiaun iha UEFA Champions League (UCL) 2026/2027, depois halo remontada dramátika hodi manán AEK Atenas ho rezultadu 3-2, iha jogu ne’ebé hala’o iha Atenas, Grésia, Kuarta-feira (04/11/2026).
Iha jogu ne’e, AEK Atenas mak loke vantajen uluk liuhusi Aboubakary Koïta iha minutu 12. Maibé, Real Madrid konsege empate iha minutu 32, bainhira Jude Bellingham marka golo liuhusi remate tekniku.
Iha segunda parte, Stavros Pilios aumenta fali vantajen AEK ba 2-1 iha minutu 75. Maibé, Kylian Mbappé responde lalais ho golo empate iha minutu 78, depois simu asisténsia husi Denzel Dumfries.
Momentu importante mosu iha tempu adisionál, bainhira kapitáun Federico Valverde marka golo vitória iha minutu 92, liuhusi remate forte husi li’ur área penalidade, ne’ebé lori Real Madrid manán ho rezultadu 3-2.
Vitória ne’e hatudu Real Madrid nia espíritu luta no kapasidade atu reverte rezultadu iha momentu difísil. Ho rezultadu ne’e, Real Madrid kontinua ho rekor vitória perfeitu iha fase liga UCL, hamutuk pontu 12 husi jogu haat, no ocupa pozisaun daruak iha klasifikasaun.
(leo)
