DILI, STLTIMORLESTE.com – Akademiku konsidera importante duni redus kazu pendente, tanba ohin loron publiku balu sei kestiona kazu pendente iha Tribunal.
“Publiku balu sei kestiona kazu pendente, tanba nee hau hanoin importante duni redus kazu pendente neebe iha,” dehan Akademiku UNTL, Rafael de Jesus ba STL iha Dili, Kuarta (27/05/2026).
Nia hatutan, importante duni redus kazu pendente neebe iha, tanba nee aumenta numeru rekursu umanus iha area justisa, liu liu Majistradu Juiz, Prokurador no Defensor sira hodi bele redus kazu pendente.
“Kazu balu tama iha Tribunal maibe julga ho tempu neebe kleur, ida nee mos sai difikuldade boot ida iha Tribunal, se kazu sira nee julga kleur bele halo numeru pendente kontinua aumenta,” dehan nia.
Akademiku nee sujere atu kontinua aumenta numeru rekursu umanus iha setor justisa, tanba numeru rekursu umanus kontinua menus mak kazu pendente kontinua iha.
Iha fatin ketak, Jurista Sergio Dias Quintas dehan, kazu pendente sei ejiste, tanba falta rekursu umanus.
“Kazu pendente sei eziste, tanba falta rekursu uma iha setor justisa liu-liu iha Tribunal no iha Ministeriu Publiku, tanba nee mak agora iha ona politika husi Guvernu para halo rekrutamentu ba
autoridade judisiaria sira,” dehan Sergio.
Nia hatutan, politika nee sai hanesan meius ida hodi prepara kondisaun para iha tempu ida bele redus kazu pendente sira.
Maibe wainhira rekursu humanu nee sufisiente, maibe falha hodi halo jestaun didiak ba rekursu humanu agora no ba futuru, mak nia hanoin sei hamosu nafatin problema kazu pendente sira nee.
Tanba nee, presiza mos konsolida no halo zestaun didiak iha rekursu humanu tanto iha Tribunal, MP no iha Defensoria Publika.
(ter)
