DILI, STLTIMORLESTE.com – Atu prevene violensia bazeia ba jeneru iha Timor Leste, Sekretariu Estadu ba Igualdade (SEI) organiza enkontru Rede Referal ba datolu hodi fo hanoin ba malu prevene kazu violensia bazeia ba jeneru iha nasaun nee.
Iha biban nee, Sekretariu Estadu ba Igualdade Jeneru (SEI), Elvina Sousa Carvalho ba jornalista sira iha salaun Maria Goreti Kaikoli, Sesta (18/10/2024) hatete, atividade ohin SEI organiza enkontru rede referal hodi halo komunikasaun hamutuk.
“Ohin enkontru rede referal datolu, neebe SEI organiza tanba enkontru rede referral nee importante atu bele halo koordenasaun, komunikasaun no membru sira bele halo sira nia servisu bazeia ba planu asaun nasional violensia bazeia ba jeneru,” hatete SEI.
Nia katak, enkontru rede referral nee atu halo komunikasaun ho membru sira halo servisu tuir planu asaun VBJ nomos fo servisu ba membru rede referal sira atu halo sira nia servisu liu-liu ba prevensaun violensia bazeia ba jeneru.
(eme)
