DILI, STLTIMORLESTE.com – Sekretariu Estadu no Kooperativas (SEKoop) asina MoU ho Catholic Relief Services (CRS), oinsa atu suporta toos nain envolve aan iha Kooperativa.
Kestaun nee hatoo husi Coutry Manajer CRS, Yane Tamonob Pinto ba Jornalista sira, iha Akait, Segunda nee (2/12/2024).
Nia dehan, ohin loron marka espesial ba Catholic Relief Services (CRS) asina MoU ho SEKoop atu servisu hamutuk oinsa suporta toos nain sira hakarak envolve aan iha Kooperativa atu bele hetan suporta tekniku husi SEKoop.
Maibe nafatin mos husi CRS hanesan Organizasaun internasional ida husi Estadu Uunidus Amerika harii ona Grupu toos nain bolu naran rai no empresta Osan komunidade nian iha Munisipiu 5, total Grupu neebe CRS servisu hamutuk toos nain Mak 784 ho total membru kada Grupu ema nain 20 too 25, Sira rai Sira Nia Osan depois enpresta husi grupu ho funan neebe deside hamutuk.
Iha fatin hanesan, Sekretariu Estadu no Kooperativas (SEKoop), Arsenio Pereira da Silva hatete, MoU Ida nee laos primeira vez halo asina MoU ho CRS, maibe antes nee mos ho ajensia lubuk ida asina ona para ami halo implementasaun programa sira neebe iha.
“Tanba nia finalidade ba implementasaun programa sira nee, atu dezenvolve Ita nia povu rai ida nee ema hotu moris diak, liu-liu iha asuntu Kooperativa ekonomia familiar,” hatete SEKoop, Arsenio Pereira.
Nia dehan, liu husi MoU nee husi parte rua kontinua apoiu no kapasita sira, para atu nunee Grupu transforma ba Kooperativa tenke sustentavel entermus organizaun, jestaun para rendimentu sira neebe.
(joa)
