DILI, STLTIMORLESTE.com – Ministru Transportes no Komunikasoins, Miguel Marques Gonçalves Manetelu hatete, governu sei halo hela diskusaun atu sertifika Aeroportu Oekusi ho Suai sai Aeroportu ho estandar internasional.
“Prosesu sertifikasaun ba Aeroportu Oekusi ho Suai oras nee lao hela. Agora kona-ba Oekusi nee mak mosu hambatan oituan, tanba ho mudansa estrutrura Ministeriu Transporte Indonezia nian, tanba governu foun. Maibe diskusaun lao hela, tanba espasu Aero iha Oekusi Aviaun kuandu Take Off tama ona ba area Indonezia nian,” hatete MTK, Miguel Manetelu ba jornalista sira iha edifisiu MNEK, Pantai Kelepa, Sesta (06/12/2024).
Governu tuir nia esforsu atu halo negosiasaun ho Governu Indonezia, tanba aviaun sira neebe sei atera iha Oekusi sei liu husi area Indonezia, tanba nee presiza iha konhesimentu.
Maibe kona-ba Aeroportu Suai nia pista badak nunee governu hakarak sertifika sai hanesan Aeroportu Internaional, tanba aban bainrua dezenvolvimentu tasi mane nee lao aviaun lojistika sira neebe mai husi Darwin, Australia bele tun iha Aerportu nee.
(alb)
