Servisu Saude Munisipiu Dili Rejista Moras ISPA 131.661

Diretor Servisu Saude Munisipiu Dili, Mateus Pinto. (Foto: STL/Jeniche da Costa)

DILI, STLTIMORLESTE.com – Diretor Servisu Saude Munisipiu Dili (SSMD), Mateus Pinto hatete, durante 2024 Servisu Saude Munisípiu Dili rejistu moras Infeksaun Vias Respiratoriu Aguda (ISPA) hamutuk 131.661.

“Durante 2024 ita rejistu moras ISPA iha fasilidade saude sira hanesan Bekora, Komoro, Formoza, Metinaro, Vera Kruz hamutuk 131.661,” hatete Mateus Pinto ba STL iha nia knaar fatin Farmoza, Dili, Segunda nee (03/2/2025).

Nia dehan, durante tinan 1 SSMD rejistu ISPA iha Sentru Saude Bekora hamutuk 31.698, Komoro 686.73, Formoza 12.552, Metinaro 4001, no Vera Kruz hamutuk 14.737.

“Depois moras ISPA ita mos rejista tan diarea akut hamutuk 24.686, husi nee iha Sentru Saude Bekora hamutuk 5774, Komoro hamuutk 12.646, Formoza 1792, Metinaro 841 no Vera kruz 3655,” nia informa.

Nia deklara, SSMD rejistu moras pneumonia hamutuk 9.973, husi nee sentru Saude Bekora hamutuk 1.525, Komoro 6.654, Formoza 819, Metinaro 41, no Vera Kruz 934.

“Aleinde pneumonia ita mos rejista moras scabies hamutuk 2.001, husi nee Sentru Saúde Bekora hamutuk 637, Comoro 917, Formoza 220, Metinaro 41 no Vera kruz hamutuk 186,” nia relata.

Iha fatin hanesa, Pasiente Lucia da Cruz informa, moras ISPA mak agora aas iha komunidade nia leet, tanba agora ema adultu too labarik inus metin, mear no isin manas.

(jen)

Share it :

Leave a Reply

Your email address will not be published. Required fields are marked *