DILI, STLTIMORLESTE.com – Observasaun STL iha terenu katak, Polisia Nasional Timor Leste (PNTL) liu husi Ekipa Konjuta kompostu husi Diresaun Servisu Investigasaun Kriminal (DSIK), Servisu Nasional Intelijensia (SNI) ho Servisu Informasaun Polisia (SIP) kaptura sidadaun estranjeiru nain lima (5) neebe halao hela atividade tranzasaun ilisitu droga ho tipu sabu-sabu iha Dili laran, no daudaun nee sei iha prosesu investigasaun nia laran.
Sidadaun estranjeiru hirak nee kompostu husi sidadaun Xina nain 1 ho inisial CF, nomos sidadaun Indonezia nain 4 ho inisial S, IP, YM, AF no sidadaun sira ekipa konjuta kaptura iha area Komoro no Akadiru-Hun.
Tuir informasaun neebe jornalista STL asesu iha terenu katak, iha loron Segunda (27/04/2026) maizumenus tuku 07.00 dadersan OTL, ekipa halo operasaun too tuku 02.00 OTL madruga hodi kaptura sidadaun hirak nee no hafoin kaptura ekipa lori kedas ba iha Diresaun Servisu Investigasaun Kriminal Nasional hodi halo investigasaun no detensaun.
Enkuantu kazu nee rasik rejistu ho Numeru NUC rua hanesan 153/26 PNSIK no NUC 155/26 PNSIK. Kazu nee rejistu rua tanba ekipa kapturasaun sidadaun la hanesan no fatin la hanesan. Relasiona ho kazu nee Komando Jeral PNTL seidauk fo informasaun, tanba sei kontinua investigasaun.
(jen)
