DILI, STLTIMORLESTE.com – Hahu husi fulan Janeiru too Maiu tinan 2026, Servisu Migrasaun identifika sidadaun neebe tama no sai teritoriu nasional hamutuk nain 456,556.
“Ita nia sidadaun neebe tama teritoriu nasional hahu husi Janeiru-Maiu hamutuk 163,927 no sidadaun neebe sai hamutuk nain 292,629, total hamutuk 456,556,” Diretor Jeral Asuntus Administrasaun no Finansas Migrasaun, Juvinal Castello ba jornalista sira iha nia knaar fatin MI, Kuarta (24/06/2026).
Nia esplika, sidadaun sira neebe halo violasaun de Visto, Prosesu Averiguasaun (PA) hamutuk 19 pesoas, nomos Prosesu Delijensia Simplest (PDS) hamutuk 148 pesoas, abondona voluntaria ami registu hamutuk 25 pesoas.
Nia deklara, reseitas neebe sira koleta husi servisu Permanénsia Estranjeiru (PE) no Fronteiras durante Janeiru too Maiu 2026 atinji montante US 121.740.
“Ho nunee, total reseitas neebe Estadu rekolha husi area migrasaun durante períodu Janeiru too Maiu 2026 hamutuk US$ 1.004.270,” nia deklara.
Aleinde nee mos nia apela ba sidadaun nasional no estranjeiru sira atu respeita lei no regulamentu migrasaun, inklui utilizasaun vistu tuir objetivu neebe hetan autorizasaun, atu nunee bele evita sansaun administrativu no medida legal sira seluk.
Nia hatutan, servisu imigrasaun nia kompromisu atu kontinua fortalece kontrolu Fronteira, garante kumprimentu lei migrasaun no aumenta rekolla reseita estadu husi setor migrasaun, nomos atu asegura seguransa no orden públiku iha territóriu nasionál.
Iha fatin ketak, Akademista UNTL, Jose Arlindo informa, Servisu Imigrasaun tenke fo atensaun ba sidadaun Timor oan no estrajeniru sira neebe tama sai husi Fronteira tenke rejistu, tanba dadaun nee sasan ilegal tama sai livre.
“Ita haree sidadaun balun halo atividade hanesan lori sai sigaru ilisitu barak los, tama mai Timor maka ita foin hetan depois lori tan kilat manu tama barak, depois kazu ida labarik feto ida viral los nia pasaporte mate mai liu tiha Fronteira ida nee tenke toma atensaun,” nia afirma.
(jen)
