DILI, STLTIMORLESTE.com – Sekretaria Estadu ba Igualidade (SEI), Elvina Sousa Carvalho afirma, sistema edukasaun iha Timor Leste (TL) nee inkluzivu, laiha diskriminasaun ba Ema ho Difisiensia (EhD) no mos labele halo diskriminasaum ba iha komunidade LGBT.
Lia hirak nee hatoo husi Sekretaria Estadu ba Igualidade (SEI), Elvina Sousa Carvalho ba jornalista sira iha Salaun Suai Room, Kinta (05/06/2025).
Nunee, husi parte sosiedade nia iha hotu direitu hanesan, sidadaun feto ka mane tantu orientasaun seksual, saida deit mak sira iha direitu hanesan, neebe iha mandatu konstituisaun RDTL iha artigu 16 no artigu 17 koalia klaru ona.
Sekretaria Estadu ba Igualidade (SEI), Elvina Sousa Carvalho dehan, sistema eduksaun iha Timor Leste la halo diskriminasaun ba ema ho defisiensia, no labele halo violensia hodi hasoru sira tanba orientasaun seksual nee ema ida mak deside.
“Hau hanoin sistema edukasaun iha Timor Leste inkluzivu no laiha diskriminativu ba ema ho defisiensia, esforsu tomak ita halo sosializasaun mos ita halo, no labele diskrimina komunidade LGBT nomos halo violensia hasoru sira, tanba orientasaun seksual ema ida nia laos ema ida mak deside nee biolojikamente ema nia isin,” salienta.
Elvina mos hatoo nia mensajen katak labele halo diskriminasaun ba se deit tantu husi rasa ka husi kor, tanba nia orientasaun seksual la tuir ita nia hakarak.
“Hanesan SEI fo mensajen katak laiha ema ida iha direitu atu halo diskriminasaun ba se se deit, tanba nia rasa, nia kor mutin ka metan, tamba nia orientasaun seksual tuir ita boot sira nia hakatak, ka tuir ita boot sita nia vontade, tanba nia relijiaun ka nia defisiensia,” hakotu nia.
(EST 1)
