DILI, STLTIMORLESTE.com — STAE no CNE hala’o destrosaun material hosi Eleisaun Prezidensiál, Parlamentár no Suku tinan 2022–2023, iha Hera, Postu Administrativu Cristo Rei, Dili, Sesta (18/09/2026).
Atividade ne’e hahú ho transportasaun material eleisaun hosi Salaun STAE, Caicoli, ba Hera, fatin ne’ebé destrosaun material sira ne’e hala’o.
Diretór Nasionál Interinu Sekretariadu Tékniku Administrasaun Eleitorál (STAE), Eduardo Casimiro de Deus, iha ninia diskursu, ko’alia kona-ba asinatura akta destrosaun material eleisaun hosi prosesu eleitórál tinan 2022 no 2023.
Eduardo destaka katak destrosaun material eleisaun tenke hala’o tuir prosedimentu ne’ebé aplika ba material eleisaun sira ne’ebé uza ona.
Iha serimónia ne’e, Diretór Komisaun Nasionál Eleisaun (CNE), Adelino de Oliveira Vaz, mos hato’o ninia diskursu kona-ba asinatura akta destrosaun material eleisaun.
Material ne’ebé tama iha prosesu destrosaun ne’e mak hosi Eleisaun Prezidensiál, Eleisaun Parlamentár no Eleisaun Suku ne’ebé uza durante períodu 2022 to’o 2023.
Serimónia asinatura akta destrosaun ne’e hala’o iha Salaun STAE, Caicoli, Dili, ho partisipasaun lider partidu polítiku sira, observadór nasionál no internasionál, PNTL no reprezentante instituisaun relevante sira.
Komandante Komandu Operasionál PNTL, Armando Monteiro, no reprezentante Ministériu Administrasaun Estatál (MAE), Merita Pereira da Cruz, nu’udar Xefe Gabinete, mos partisipa iha atividade ne’e.
Prosesu destrosaun material eleisaun ne’e hala’o iha Hera, Postu Administrativu Cristo Rei, Munisípiu Dili, depois material sira transporta hosi STAE Caicoli.
(jos)
