DILI, STLTIMORLESTE.com – Eis Prezidente Republika, Taur Matan Ruak hatoo sentidu kondolensia klean ba familia no estrutura Partidu FRETILIN neebe lakon ona Francisco Guterres Lu-Olo, hafoin halo tratamentu intensivu iha Hospital Malazia.
“Pofunda Sentidias Condolências neebe klean tebes ba familia Boot FRETILIN faluk no oan kiak,” haktuir nota komunikadu imprensa neebe STL asesu husi pajina facebook ofisial lider nasional nee, Segunda (22/06/2026).
Eis Prezidente Republika nee deklara, Sente triste no fuan dodok tebes simu notisia tristeza neebe soke ema hotu-hotu nian fuan tanba lakon ona figura boot iha nasaun nee.
“Senti triste no soke ita hotu nia fuan tanba lakon ona ita-nia kompatriota e camarada da luta, Eis-Prezidente Assembleia Konstituante, Eis Prezidente Parlamentu Nasional no Eis-Prezidente Republika, Dr. Francisco Guterres,Deskansa Iha Hakmatek Rohan Laek,Adeus kompatriota da luta,” deha nia.
Entretantu Francisco Guterres “Lú-Olo”, Moris iha Ossu, Distrito Viqueque, iha 7 Setembro 1954.
Lú-Olo kaben ho Cidália Lopes Nobre Mouzinho Guterres, no sira iha oan nain-haat, Francisco Cidalino, Eldino Nobre, Felezito Samora Guterres no Dália Luliana Nobre Guterres.
(tom)
