DILI, STLTIMORLESTE.com – Eis Prezidente Republika (PR) Taur Matan Ruak husu Primeiru Ministru (PM) Kay Rala Xanana Gusmão atu trata vendedores ambulante sira ho humanizmu.
Eis Xefe Estadu nee rekomenda relasiona ho atetude husi Ekipa Jestaun Merkadu neebe halo agresaun fiziku hasoru vendedores ambulante sira iha kampung Baru, Komoro, kuarta loraik (23/10/2024)
“Hau husu ho haraik aan ba senhor Primeiru Ministru Xanana Gusmão atu trata vendedor sira ho humanizmu. Krime boot neebe vendedor sira halo no komete mak buka moris iha miseria nia laran. Favor iha kompaisaun no respeitu ba vendedor,” hatete eis Xefe Estadu liu husi komunikadu neebe STL asesu.
Matan Ruak sente sokadu no triste tebes ho hahalok refere, nunee Taur Matan Ruak husu Primeiru Ministru Xanana Gusmão atu trata vendedor sira ho humanizmu.
(alb)
