DILI, STLTIMORLESTE.com – Timor Leste (TL) ho Guangxi Republika Popular Xina realiza konferensia hodi diskute konaba area minerais nian.
Lia hirak nee hatoo husi Prezidente ANM, Rafael de Araujo ba jornalista sira iha Palm Spring Hotel, Fatuhada, Kinta nee (23/07/20226).
Objetivu konferensia nee atu hametin kooperasaun entre TL no Guangxi Republika Popular Xina nomos promove oportunidade investimentu no kolaborasaun iha setor mineiru nian.
TL ho Governu Xina liu husi provinsia Guangxi koalia liu konaba area minerais nian.
“Konferensia nee realiza ita lori ofisiais husi governu ninian nomos setor privadu husi nasaun rua, ho objeitivu atu troka hanoin konhesimentu iha area minerais nian, aumezmu tempu ita mos fo oportunidade ba ita nia empreza lokal no internasional atu estabelese diskusaun hodi buka dalan atu dezenvolve setor minerais iha TL nomos Xina,” dehan nia.
Partisipa iha konfrensia nee kompostu husi ofisiais governu husi Xina nomos setor privadu husi Guangxi, CCI-TL nomos empreza sira seluk.
Entretantu Diretor Executivo Wordview Enterprise Unip Lda, Delio Assuncao Ximenes Teixeira hatete, emprezariu husi Governu Xina husi Guangxi iha area mineiriu nian mai para konhese sira.
Oinsa hodi fahe sira nia hanoin, posibilidade no iha oportunidade bele servisu hamutuk iha area mineriu ba oin.
(joa)
