DILI, STLTIMORLESTE.com – Timor Leste (TL) ho Malazia kontinua hametin kooperasaun iha area seguransa, Saude, Ekonomia no Capasity building neebe antes nee estabelese ona.
Lia hirak nee hatoo husi Visi Ministra Negosiu Estranjeiru no Koperasaun (MNEK), Sejuina Maria Ferreira Gomes ba jornalista sira iha Palasiu Prezidensial Nicolau Lobato, Bairo Pite, Tersa (21/07/2026) hatete, kooperasaun bilateral entre Timor Leste ho Malazia lao diak tebes, no sei hametin nafatin kooperasaun neebe antes nee halao ona hodi hametin liu tan koperasaun rai rua iha futuru.
“Relasaun bilateral entre Timor Leste ho Malazia establese ona iha 2002 setor barak neebe ita halo hela koperasaun ho Malazia hanesan iha setor seguransa, Saude, ekonomia, Edukasaun, Capasity building nee halao hela, agora oinsa atu reforma diak liu koperasaun neebe akontese hela agora nee ba futuru entre Malazia ho Timor Leste,” dehan Visi Ministra Negosiu Estranjeiru no Koperasaun Sejuina Maria.
Timor Lete ho Malazia iha parseria no koperasaun bilateral neebe forte liu liu iha area edukasaun, Saude, defeza, komersiu no negosiu, no Malazia mos apoiu makaas Timor Leste nia adezaun ba ASEAN.
Iha area edukasaun, estudante Timor oan barak mak hetan oportunidade atu estuda iha Universidade Malazia, no Governu rua mos antes nee halo ona estudu komparatuvu konaba nivel edukasaun Universitariu., Asean, Malazia fo apoiu politika boot atu aselera TL nia integrasaun Kompletu nuudar membru ASEAN, Defeza koperasaun iha area militar inklui formasaun nesesariu ba memnbru F-FDTL, no Saude no assuntu sosial establese kolaborasaun hodi fahe esperensia pratika iha serbisu saude, Kultura, asistensia ba Timoroan neebe presiza tratamentu iha Malazia. No komersiu no Investimentu nasaun rua promove interkambiu komersiu no organizasaun eventu hanesan MYEXPO iha Dili atu dada investor no kria oportunidade negosiu foun.
Nunee Embaixador Malazi ba Timor Leste, Fairuz Rozali hatete, Timor Leste no Malazia iha parseria neebe kleur ona, hahu iha Malazia nia apoiu sira antes ba nasaun.
Malazia nuudar nasaun dahuluk neebe estabelese gabinete Ligasaun ida iha Dili iha 13 Abril 2001. Hahu husi neeba, Malazia sai nafatin parseiru neebe metin iha Timor-Leste nia esforsu harii nasaun no dezenvolvimentu, kontribui liuhusi inisiativa kapasitasaun no seguransa hanesan Programa Kooperasaun Teknika Malazia (MTCP) no Programa Kooperasaun Defeza Malazia (MDCP). Kooperasaun bilateral hametin liutan liuhusi akordu formal sira iha servisu aereu, ensinu superior, telekomunikasaun, dezenvolvimentu informasaun no mídia, dezenvolvimentu rural, no defeza. Marku istoriku ida iha relasaun bilateral sira maka Timor-Leste nia admisaun formal nuudar Estadu-membru ASEAN ba dala 11 iha loron 26 Outubru 2025, durante Prezidensia ASEAN Malazia nian.
Nunee mos Prezidente Republika, Jose Ramos Horta hatutan tan katak, Timor Leste ho Malazia nia relasaun metin nee desde uluk too mai agora no Prezidente mos manifesta ninia konfiansa tomak katak mandatu Embaixador Fairuz Rozali nian sei eleva no hametin lasu amizade no kooperasaun neebe dura entre Timor-Leste no Malazia.
(eme)
