DILI, STLTIMORLESTE.com – Timor Leste (TL) sei hametin nafatin kooperasaun ho Reinu Tailandia iha area diplomatika nomos kooperasaun iha Turizmu, Agrikultura, saude no seluk tan.
Lia hirak nee hatoo husi Embaixador Timor Leste ba Reuni Tailandia, Francisco Tilman Cepeda ba jornalista sira bainhira remata simu pose husi Prezidente Republika Jose Ramos Horta iha Palasiu Prezidensial Bairo Pite, Tersa (15/10/2024).
Embaixador TL ba Reinu Tailandia hatete, kona-ba ninia planu no programa sira nee fiksu ona iha planu Governu nia neebe trasa ona programa oin-oin ho Tailandia, maibe durante nia mandatu buka hametin kooperasaun ho Tailandia iha area diplomatika no seluk tan.
“Prioridade nee ita nia governu fiksu ona programa oin-oin neebe ita halao ho Tailandia iha ita nia kooperasaun, hanesan iha Tailandia iha ajensia ida mak durante nee suporta ita makaas, ema bolu Tailandia Internasional Coorporation ajensia sira halo kooperasaun makaas ho ita no fo oportunidade barak ba ita atu dezenvolve ita nia área kooperasaun iha ambitu oin-oin, hanesan treinu diplomatiku, treinu ba ministeriu sira hanesan turizmu, agrikultura, saude, ida nee lao kleur ona,” katak Embaixador nee.
Nia hatete, durante nia mandatu nuudar Embaixador sei buka explora tan kooperasaun no akordu sira seluk entre TL ho Reinu Tailandia.
“Ita espera katak ho nomeiasaun hau nian nee, hau sei buka explora tan area saida mak presiza ita atu hatama ba iha kooperasaun, nunee sasan neebe lao ona se bele ita halo lao diak liu tan, karik bele aumenta tan kooperasaun sira seluk neebe seidauk tama iha akordu neebe iha,” katak nia.
Iha biban nee, Embaixador nee mos jura katak durante nia mandatu buka halo tuir lei no ordem neebe mak vigora no hakruuk ba lei Konstituisaun RDTL nian.
Nia hatete, Emiratos Arabes Unidos nee hanesan país ida neebe kompostu husi estadu 7, depois sira entermus sira nia kresimentu ekonomia depende ba minarai ho gas no sira komesa halo diversifikasaun ba ekonomia, atu laos depende deit ba mina ho gas, maibe sira mos halo alternativu sira seluk atu bele sustenta husi parte neebe halo parte husi mina ho gas ninian.
Nia hatutan, depois entermus diversifikasaun ekonomia sei haree mos hanesan investimentu neebe fokus liu fabrika ho buat sira neebe TL haree katak iha Tailandia avansadu tebes-tebes, depois haree kapasitasaun rekursu umanu ba jestaun liu-liu Timor aban bainrua karik iha aeroportu iha Abudabhi, depois sidade ida tuir fali mai mak Dubai Aeroportu ida neebe boot iha mundu nee, nia mak hanesan okupadu tebes-tebes, entermus jestaun ba aeroportu buat sira nee hotu presiza aprende husi sira nia esperiensia.
(eme)
