Turista 350 Vizita TL Ho Roo Paul Gauguin

Roo Paul Gauguin husi Nasaun Australia tula turista hamutuk nain 350 atraka iha Portu Dili. (Foto: STL/Joaninha Belo)

DILI, STLTIMORLESTE.com – Ohin Roo Paul Gauguin husi Nasaun Australia atraka iha Portu Dili, tula turista hamutuk nain 350 vizita Timor Leste.

Turista sira nee mai husi Nasaun Australia, Amerika, Xina, Singapura, Eropa, Fransa, Italia, Espania no Amerika, hamutuk nain 350, sira nia vizita nee loron ida deit no lokraik tuku 06.00 sei fila ba Komodo.

“Lo-loos Roo Paul Gauguin atraka iha Portu Dili ho oras 07.00 dader, maibe ita nia laloran tasi sei badak hela, nunee sira hein kuaze too tuku 09.00 hafoin atraka iha Portu Dili, tanba nee atividade mos tarde atraka iha Portu Dili, tanba atraza husi laloran tasi,” hatete Diretora Nasional Marketing Relasaun Internasional Turizmu, Ivania Ros Ximenes Goncalves ba jornalista sira iha Portu Dili, Segunda nee (03/02/2025).

Roo Paul Ganguin mai husi Nasaun Australia, maibe nia tama husi BNI iha Samaria mai iha Timor, nunee roo atraka iha Portu Dili too tuku 06.00 OTL fila fali ba Komodo.

Tanba nee, fatin neebe turista sira vizita ba mak hanesan Muzeum Rezistensia, Chega, Santa Cruz, Tais Market Kolmera no Kristu Rei, Roo Paul Gauguin tinan-tinan sempre mai.

(joa)

Share it :

Leave a Reply

Your email address will not be published. Required fields are marked *