DILI, STLTIMORLESTE.com – Uniaun Europeia (EU) ho Timor Leste (TL) sei asina akordu hodi hametin parseria iha area dijitalizasaun nomos apoiu ba mikro ekonomia iha TL.
Lia hirak nee hatoo husi Embaixador Uniaun Europeia ba Timor Leste, Thorsten Bargfrede ba jornalista sira iha Palasiu Prezidensial Nicolau Lobato, Bairo Pite, Kinta (28/05/2026) hatete, halo enkontru ho Prezidente Republika Jose Ramos Horta hodi kongratula ba Timor Leste nia dezenvolvimentu durante nee, nomos koalia konaba akordu kooperasaun entre EU ho Timor Leste.
“Enkontru neebe ami halo ho Prezidente Republika Jose Ramos Horta, primeiru ami mai kongratula ba Timor Leste ba dezenvolvimentu neebe Timor leste halo ona, iha mos akordu kooperasaun rua neebe sei asina aban ho Governu Timor Leste atu hametin nafatin parseria neebe Uniaun Europeria ho Timor leste iha,” katak Embaixador EU Ba TL.
Embaixador hatete, asina akordu nee foka ba iha dizitalizasaun nomos apoiu Uniaun Europeia ba ba Timor Leste konaba Mikro Ekonomiku.
“Kooperasaun iha area dijitalizasaun nomos apoiu ba mikro ekonomiku nomos iha mediu mikro ekonomiku nomos mediu size neebe ita apoiu no suporta dezenvolvimentu ekonomiko Timor Leste ekonomiku nomos haree iha parte area justisa nia atu haree no konsetra ba iha dizitalizasaun,” katak nia.
Asina akordu nee halao iha loron Sesta (aban) entre Uniaun Europeia ho Timor Leste, maibe sei kontinua buat neebe sira iha.
Nunee mos UE mai atu haree oinsa ba periodu ida prepara kooperasaun ba siklu neebe tuir mai oinsa haree ho Governu nunee bele apoiu hametin liu tan parseria Timor leste ho Uniaun Europeia.
Nia hatutan, akordu nee sei asina ho Governu Timor Leste liu husi Ministeriu Justisa nomos Visi Premeiru Ministru assuntu ekonomiko Francisco Kalbuady Lay.
Tinan kotuk 2025, Uniaun Europeia ho Governu Timor Leste mos asina akordu finansiamentu ho montante milaun 12 hodi apoiu reforma jestaun finanseira pulika no aselera transformasaun dizital iha Timor Leste, no akordo nee asina direita husi Ministra Finansas Santina Cardoso, ho embaixador UE ba TL Marc Fiedrich.
Nunee mos akordu neebe EU ho Timor-Leste asina iha 15 Setembru 2025 akordu nee tama iha pakote 3, no ida neebe koalia kona-ba dijitalizasaun no makroekonomiku mak projetu “dalan ba dijital Objetivu Moderniza servisu publiku Timor-Leste liu husi dijitalizasaun Hadia efisiensia administrasaun publika no asesu ba servisu online no Hametin jestaun finanseira publika no transparensia orsamentu.
(eme)
