DILI, STLTIMORLESTE.com – United Nations Children (UNICEF) entrega ekipamentu microwave ba jestaun lixu mediku ba Ministeriu Saude.
Diretor Jeral Servisu Hospitalares, Raimundo dos Santos hatete, ohin marka loron importante ida ba MS, atu hadia sistema saude iha Timor Leste. Agradese ba UNICEF ho parseiru sira hotu nia apoiu no finanseiru ba MS. Alende ida nee apresia mos sira nia apoiu hodi fornese no fasilita prepara ekipamentu ida nee ho finanseiru hodi bele instala ho susesu. Kooperasaun ida nee ajuda servisu unidade saude TL nian hodi hametin sistema saude no jestaun ambiental iha TL.
“Hanesan ita hotu hatene, hospital iha funsionariu saude sira hotu produs lixu makaas kada loron. Tanba nee MS liu husi diretur geral ospital no diretur geral ekipamentu, iha oportunidade ida hau husu atu hot-hotu tau matan ba ekipamentu sira nee ho responsabilidade,” dehan nia iha serimonia esnrega ekipamentu iha HNGV, Kinta (10/07/2026).
NIa afirma, lixu neebe husi fornesementu kuidadu saude neebe akontese iha nivel saude hot-hotu. Ekipamentu sira nee atu uza tau lixu neebe produs husi ospital unidade saude nian. Agora iha ona fasilidade modernu ida nee MS, liu husi Diretur Jeral Servisu Hospitalares no diretur nasional ba ekipamentu no saude neebe hetan apoiu husi parseiru UNICEF halo tiha preparasaun hodi mai instala, para hodi maneja lixu saude nian neebe ho nia vantajen diak tebes.
Nia katak, lixu saude nian neebe dala barak nakonu bakteria no virus, husi makina nee nia halo sirkulasaun manas mak hamate virus no bakteria sira iha lixu, nia la hamosu polusaun iha sentru saude laran no ospital nian. Neebe nia vantajen nee boot no diak tebes.
“Agradese tebes ba apoiu ida finanseiru ida nee provolta de US$ 200 mil ba fornesementu ekipamentu ida nee iha HNGV nomos ospital referral sira seluk. Husu ba ospital sira atu kuidadu makina sira nee no halo kontaktu rutinamente ba komisaun relevante atu halo manutensaun ba ekipamentu nee,” dehan nia.
Nia haktuir, ekipamentu nee iha tipu rua, kada lixu neebe soe ho 40 kilo mak bele tama iha HNGV. Sira neebe iha ospitais nasionas sira ho kapasidade c, tanba lixu neebe produs ho kapasidade menus.
Nia hatutaun, ho UNICEF nia kolaborasaun ho TL neebe la para, sei forsa liutan ba iha futuru.
Nunee mos Reprezentante UNICEF iha TL, Patrizia DiGiovanni hatete, ohin loron marka tan historia importante entre UNICEF no TL, bele apoiu no tulun povu TL, liuliu iha parte saude ambiental nian hodi UNICEF bele entrega ekipamentu nee ba iha HNGV.
Tuir nia, ekipamentu neebe bele ajuda servisu iha MS no ospitais nasionais nomos regionais sira. Husu para asegura didiak ekipamentu sira nee ho diak, atu nunee bacteria labele no virus labele lori moras ba komunidade sira.
(dom)
