DILI, STLTIMORLESTE.com – Visa Turista neebe over stay nee Servisu Imigrasaun entrega ona ba Diresaun Nasional Servisu Investigasaun Kriminal (DNSIK) atu halo prosesu investigasaun no too agora Servisu Imigrasaun seidauk simu rezultadu.
“Sim, prosesu nee agora daudaun iha hela DNSIK no prosesu hela, neebe too agora seidauk delega mai ami neebe ami seidauk haree konaba sira vistu nee,” hatete Diretor Administrasaun no Financas Servisu Migrasaun, Juvinal Castelhos ba jornalista sira iha Sentru Formasun Polísia, Dili, Segunda (29/06/2026).
Nia esplika, sidadaun neebe nia Visa Over Stay nee tenke selu multa tuir artigu neebe Servisu Imigrasaun sei implementa.
“Ami iha nee aplika ba sidadaun neebe profisional sen vistu nee ami iha artigu lei ruma para ami bele kondena no prosesu ida visa over stay nee ita aplika multa nee US$ 150, no masimu US$ 580,” nia deklara.
Nia informa, antes sidadaun sira nee tama Timor Leste priense rekezitus no Servisu Imigrasaun aplika artigu 3 ba sira,.maibe sira tama mai mak halo servisu seluk nee entrega fali ba instituisaun sira seluk para buka no prosesu tuir lei neebe vigor iha nasaun RDTL.
“Ita nia over stay iha Timor Leste nee ita nia sistema seidauk iha atu bele detekta, maibe iha futuru ami bela halo siknornijasaun ba sistema ida nee, ita bele kontrola sidadaun neebe prezensa iha TL para ita bele hatene nia stay, maibe ita atu hatete katak wainhira sidadaun sira neebe visa mate nee ita bolu permante ilegal ona,” nia koalia.
Iha fatin seluk, Diretór Investigasaun Kriminál Nasionál, Superintendente Polísia, João Belo dos Reis deklara, bainhira iha inisiu operasaun tun iha prosesu deteksaun nee rasik Polísia Nasional Timor Leste (PNTL) konvida kedas pesoál Imigrasaun hamutuk ho Membru PNTL iha neeba rekolha pasaporte husi sidadaun sira.
“Depois pasaporte nee ami entrega ba servisu imigrasaun kuaze oras lubuk ida, neebe sira iha informasaun sufficient kona-ba pasaporte ho tipu saida sira hatene no ema sira nee mai oinsa sira iha informasaun sufisiente, tanba pasaporte entrega ba sira iha tempu neeba kedas,” nia esplika.
Nia hatete, PNTL lakohi atu kontra argumentu iha nee, maibe iha tempu neeba pesoál imigrasaun hamutuk ho PNTL entrega kedas pasaporte hodi halo verifikasaun ba pasaporte nee rasik.
“Ami entrega pasaporte ba sira iha tempu lubuk ida, depois ami husu fila-fali hodi verifika pasaporte nee nia nain mak se, ema neebe, nee mak ami foti fali pasaporte nee junta fali ho ami nia prosesu,” nia afirma.
(jen)
